ኣዲስ ኣበባ ፣ 15 ጥሪ፣ 2013 (ኤፍ ቢ ሲ)ዝተፈላለያ ዩኒቨርሲቲታት ዘሰልጠነኦም ተምሃሮአን ኣመሪቐን።
ሎሚ መዓልቲ ተምሃሮአን ካብ ሞንጎ ዘመረቓ ዩኒቨርሲቲታት ሓደ ዝኾነ ዩኒቨርሲቲ ጎንደር፥ ብስሩዕ፣ ብተኸታታሊን ክረምታዊ መርሃ ግብሪን ዝሰልጠኑ 7 ሺሕን 293 ተምሃሮ ኣመሪቓ፡፡
ካብ ሞንጎ እቶም ተመረቕቲ 4 ሺሕን 804 ደቂ ተባዕቲዮ እንትኾኑ፥ 2 ሺሕን 489 ድማ ደቂ ኣንስትዮ ኢየን፡፡
ኣብቲ ስነ-ስርዓት ምረቓ፥ ርእሰ ምምሕዳር ክልል ኣምሓራ ኣይተ ኣገኘሁ ተሸገር ሓዊሱ ሚኒስትር ዲኤታ ደቂ ኣንስትዮ፣ ህፃናትን መናእሰይን ወይዘሮ ህይወት ሃይሉ ከምኡ እውን ላዕለዎት ሓለፍቲ ስራሕ ተረኺቦም፡፡
ብተመሳሳሊ ዩኒቨርሲቲ እንጅባራ ብዝተፈላለየ መርሃ ግብሪ ትምህርቲ ዘሰልጠኖም ተንሃሩኡ ኣመሪቑ፡፡
እቲ ዩኒቨርሲቲ፥ 525 ደቂ ተባዕትዮን 432 ደቂ ኣንስትዮን ብሓፈሻ 957 ተምሃሮ ኣብ ኣርባዕተ ኮሌጃትን ብ21 ዓውዲታት ትምህርቲን ዝሰልጠኑ ኢዮም፡፡
ብዘቢብ ተኽላይ
እዋናዊን ሓዱሽን ሓበሬታ ንምርካብ
ቴሌግራም ገፅና https://t.me/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna
https://www.youtube.com/c/fanabroadcastingcorporate/ሰብስክራይብ
ይግበሩ/ራ!