ኣዲስ ኣበባ፣ 12 ነሓሰ፣ 2015 (ኤፍ ቢ ሲ)ውድድር ፍፃመ ድምፃውያን ፋና ላምሮት ምዕራፍ 14 ፅባሕ ክካየድ ኢዩ።
ካብ መወዳእታ 2011 ዓ.ም ጀሚሩ መድረኽ ዝሰኣኑ ድምፃውያንን መድረኽ ንኽረኽቡ ዘኽእል ፋና ላምሮት በቢእኑ ሓደሽቲ ነገራት እናርአየ ይርከብ።
ፋና ላምሮት ኣብ ውሽጢ ሓደ ዓመት ውድድር ጎብለል ተዓዋታይ ሓዊሱ ኣርባዕተ ምዕራፋት ዘካይድ እንትኸውን÷ ሕድሕድ ምዕራፍ ንትሽዓተ ሰሙን ይፀንሕ።
ብሰለስተ ዝተፈላለዩ ምዕራፋት ካብ 1ይ ክሳብ 4ይ ደረጃ ብመሓዝ ዝዛሙ ኣብ ውድድር ጎበለላት ተዓወትቲ ይኽራኸቡ።
ፋና ላምሮት ኣብዚ ሕዚ እዋን ኣብ መበል 14 ምዕራፍ ዝበፅሀ እንትኸውን÷ ጥንኩራት ተናሓናሕቲ ንዘርአየ ምዕራፍ 14 ውድድር 1 ሚልየን ብር ሽልማት ተሰናዲኡ ኣሎ።
እቲ 1 ሚልየን ብር ተወዳደርቲ ከከምደረጀኦም ክካፈሉዎ ኢዮም።
ንዝሓለፉ 8 ሰሙናት ብዳያኑን ብናይባዕሎም መረፃን እናተወዳደሩ ዝፀንሑ ተወዳደርቲ ኣብ ናይ ፅባሕ ውድድር ፍፃመ÷ ትንሳኤ ስለሺ፣ ትግስት ኣስማረ፣ ኣፀደማርያም ያረጋልን ባምላክ ቢያድግልኝን ምስ ኮኮብ ባንድ ብርቱዕ ንሕንሕ ክገብሩ ኢዮም ዝብል ትፅቢት ኣሎ።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com