ኣዲስ ኣበባ፣ 10 ሓምለ፣ 2015 (ኤፍ ቢሲ)ሎሚ ዝሳለጥ ዘሎ ወፍሪ ተኸላ 500 ሚሊየን ፈልሲ ኣብ ሓደ ፀሓይ ብገዛእርእሱ ሓደ ዓሸቶን ዓወትን ኢዩ ክብሉ ምክትል ቀዳማይ ሚኒስትርን ሚኒስትር ጉዳያት ወፃኢን ኣይተ ደመቀ መኮነን ገሊፆም።
ኣብ ከተማ ኣዲስ ኣበባ ኣብ ዝሳለጥ ዘሎ ኣብ ሓደ ፀሓይ 500 ሚሊየን ፈልሲ ናይ ምትካል መርሃ ግብሪ ኣይተ ደመቀ ሓዊሱ፥ ከንቲባ ምምሕዳር ኣዲስ ኣበባ ኣዳነች ኣበቤ፣ ዲፕሎማታትን፣ ላዕለዎት ሓለፍቲ ስራሕ መንግስቲ ፌዴራልን ክልልን፣ ዝተፈላለዩ ክፋላት ማሕበረሰብ እታ ከተማ ተረኺቦም።
ኣይተ ደመቀ፥ ሎሚ መዓልቲ ኢትዮጵያ ፀጋ ብምኽዳን ዝዝከርን ልዑል ታሪክ ዝስረሐሉ ዘሎ ዕለትን ኢዩ ኢሎም።
ወፍሪ ተኸላ 500 ሚሊየን ፈልሲ ኣብ ሓደ ፀሓይ ብገዛእርእሱ ሓደ ዓሸቶን ዓወትን ኢዩ ዝበሉ ኣይተ ደመቀ መኮነን፥ ኣብ ኩሎም ኩርናዓት መሬት ኢትዮጵያ እቲ ሃገራዊ ኣጀንዳ ንምዕዋት ኩሉ ክፋል ማሕበረሰብ ይሳተፍን ታሪክ ይሰርሕን ከምዘሎ ተዛሪቦም።
እዚ ድማ ንቐፃሊ ትውልዲ ዝሓሸ ኩነታት ንምፍጣር ልዑል ቁም ነገር ከምዝኾነ ሓቢሮም።
ብተወሳኺ ኣብ ዝሓለፉ ዓማውቲ ካብ ዘዐወትናዮም ክብረወሰናት ንምምሕያሽ ዘኽእል ውፅኢት እነርእየሉ ዕለት ኢዩ ኢሎም።
ብየሻምበል ምሕረት
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna
https://www.youtube.com/…/%E1%88%B0%E1%89%A5%E1%88%B5… ይግበሩ/ራ!
ሓዱሽ መተግበሪ ፋና ብሮድካስቲንግ ኮርፖሬት
https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።