ኣዲስ ኣበባ፣ 27 ግንቦት፣ 2014 (ኤፍ ቢ ሲ)ኮምሽን ጉምሩክ ኣብ ምምሕዳር ከተማ ኣዲስ ኣበባ ክፍለ ከተማ ቂርቆስ ኣብ ትሑት ናብራ ንዝርከቡ ክፋላት ሕብረተሰብ ንህንፀት ኣባይቲ ዝውዕል ድጋፍ 15 ሚሊየን ብር ገይሩ።
ኮሚሽነር ጉምሩክ ደበሌ ቃበታ ሎሚ መዓልቲ ነቲ ደገፍ ንከንቲባ ምምሕዳር ከተማ ኣዲስ ኣበባ ኣዳነች ኣቤቤ ኣረኪቦም።
እቲ ዝተገበረ ድጋፍ ንምምሕዳር እታ ከተማ ብኩለመዳያዊ መልክዕ ንምዝማን እናተገበረ ዘሎ ፃዕሪ ንምሕጋዝ ዝተውሃበ ውህብቶ ምዃኑ ኮሚሽነር ደበሌ ገሊፆም።
እቲ ኮሚሽን፥ እቶም ኣባይቲ ክሳብ ዝዛዘሙ ብቐረባ ከምዝከታተል ሓቢሮም።
እቶም ኮሚሽነር፥ ተሰሪሖም እንትዛዘሙ ድማ ንነበርቲ ዘድሊ ደገፍ ከምዝግበረሎም ገሊፆም።
ከንቲባ አዳነች አቤቤ ብግደአን፥ ምምሕዳር እታ ከተማ ብሕታዊ ዝኾኑን መሰረታዊ ለውጢ ዘምፅኡን ብርክት ዝበሉ ፕሮጀክትታት የተግብር ከምዘሎ ኣመልኪተን።
ኮምሽን ጉምሩክ ኣብ ዝተፈላለየ እዋን ንምምሕዳር እታ ከተማ እናገበረ ዘሎ ድጋፍ ከምዝነኣዳ ካብቲ ኮምሽን ዝረኸብናዮ ሓበሬታ የረድእ።
እቲ ኮምሽን ብዝገበሮ ድጋፍ ን27 ኣባወራታት ተጠቃሚ ዝገብሩ 35 ኣባይቲ ከምዝህነፁ ኣብ ስነ ስርዓት መጀመሪ እቲ ህንፀት ገሊፆም።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna
https://www.youtube.com/…/%E1%88%B0%E1%89%A5%E1%88%B5… ይግበሩ/ራ!
ሓዱሽ መተግበሪ ፋና ብሮድካስቲንግ ኮርፖሬት
https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።