ኣዲስ ኣበባ፣ 29 ሰነ፣ 2014 (ኤፍ ቢ ሲ)ሚኒስትር ጥዕና ብሪታኒያ ሳጂድ ጃቪድን ሚኒስትር ፋይናንስ ሪሺ ሱናክን ኣመራርሓ ቀዳማይ ሚኒስትር ቦሪስ ጆንሰን ብምቅዋም ስረሖም ብፍቓዶም ለቒቖም።
ሳጂድ ጃቪድ “ድሕሪ ሕዚ ኣብ ምሕደራ መንግስቲ ቦሪስ ጆምሰን ስረሐይ ብቕንዕና ንምስራሕ ሕልናይ ኣይፈቕደለይን” ዝበሉ እንትኾኑ፥ ሱናክ ድማ ምኽንያት ምልቃቖም ምንኣስ ብቕዓት መንግስቲ ኢዩ ተባሂሉ።
ሳጂድ ጃቪድ፥ ኣኽራሪ ፓርቲ ቦሪስ ጆንሰን ብህዝቢ ዘለዎ ተፈታውነት ከምዝሰኣነን ሃገራዊ ረብሓ ኣብ ምኽባር እውን ዓቕሚ ከምዝሰኣነን ብምዃኑ ድማ ካብ ስረሖም ከምዝለቐቑ ኣብሪሆም።
ሚኒስትር ፋይናንስ እታ ሃገር ሪሺ ሱናክ ኣብ ትዊተር ገፆም ኣብ ዘመሓላለፉዎ መልእኽቲ፥ ካብ ስራሕ ንምልቃቕ ዘገደዶም ምኽንያት፤ ዜጋታት ብመንግስቲ ቦሪስ ጆንሰን ዝተፀበዩዎ ምሕደራ ምስ ወድዓዊ ሓቂ ክጠዓዓም ብዘይምኽኣሉን ብብቕዓት ክመርሑ ብዘይምኽኣሎምን ከምዝኾነ ምግላፆም ሺንዋ ፀብፂቡ፡፡
እዋናዊ ሓበሬታ ንምርካብ፦
ቴሌግራም https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com