ኣዲስ ኣበባ፣ 18 ነሓሰ፣ 2014 (ኤፍ ቢ ሲ)ኣብ ዝሓለፈ በጀት ዓመት መንግስቲ ክልል ደቡብ ንሕቶታት ኣወዳድባ መልሲ ንምሃብ ዝገበሮ ፃዕሪ ዝበረታታዕ እዩ ክብሉ ርእሰ ምምሕዳር ክልል ደቡብ ኣይተ ርስቱ ይርዳ ተዛሪቦም።
ኣመራርሓታት ክልል ደቡብ መድረኽ ኣፈፃፅማ ዝሓለፈ በጀት ዓመትን ተግባራት ቀፃሊን ኣድሂቦም ኣብ ከተማ ሃዋሳ ይዝትዩ ኣለዉ።
ርእሰ ምምሕዳር ክልል ደቡብ ኣይተ ርስቱ ይርዳ ከምዝበልዎ፥ ኣብ ዝሓለፈ በጀት ዓመት ህዝብን መንግስትን እታ ክልል ስራሕቲ ልምዓትን ሰናይ ምምሕዳርን ብዝተዋደደ መልክዑ ንምፍፃም ተረባሪቦም እዮም።
ኣብቲ ከይዲ ዓወትን ጉድለታትን ከምዝነበረ ዘልዓሉ ኣይተ ርስቱ፥ ዕላማ እዚ መድረኽ ድማ ስራሕቲ ዝሓለፈ በጀት ዓመት ገምጊሙ ኣብ ቀፃሊ ዝሓሸ ውፅኢት ምምፃእ ከምዝኾነ ኣብሪሆም።
ብምኽንያት ሓምለዋይ ኣሰር ዘይተዛዘሙ ፕሮጀክትታት ብምዝዛም፤ ኩነታት ፀጥታ እታ ክልል ናብ ዝሓሸ ብምምፃእ ሕቶታት ኣወዳድባን ሰናይ ምምሕዳርን መልሲ ንምሃብ ዝገበሮ ፃዕሪ ዝበረታታዕ ከምዝነበረ ኣልዒሎም።
እዞም ዓወታት ተጠናኺሮም ንክቕፅሉ ግደን ቆራፅነትን ኣመራርሓ ወሳኒ ምዃኑ ዝሓበሩ ኣይተ ርስቱ፥ ኣፈፃፅማ ትልሚ ብዝምልከት በቢ እዋኑ ገምጋም ምክያድ ይግባእ ከምዝበሉ ሓበሬታ ኮሙኒኬሽን ክልል ደቡብ የረድእ።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna
https://www.youtube.com/…/%E1%88%B0%E1%89%A5%E1%88%B5… ይግበሩ/ራ!
ሓዱሽ መተግበሪ ፋና ብሮድካስቲንግ ኮርፖሬት
https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።