ኣዲስ ኣበባ ፣ 30 ሚያዝያ ፣ 2015 (ኤፍ ቢ ሲ)ካብ ፅባሕ ጀሚሩ ኣብ መላእ ሃገር ዝርከባ መዕደሊ ነዳዲ ኣገልግሎት ሲ ቢ ኢ ብር ተግባራዊ ከምዝገብር ባንኪ ንግዲ ኢትዮጵያ ኣፍሊጡ።
ዳይሬክተር ኮርፖሬት ኮሙኑኬሽን እቲ ባንኪ ኣይ ኣልሰን ኣሰፋ ከምዝሓበሩዎ÷ እቲ ባንኪ ዘበናዊ፣ ንኣጠቓቕማ ቀሊልን ቅልጡፍን ዝኾነ ኣገልግሎት ሲ ቢ ኢ ካብ 1 ግንቦት 2015 ዓ.ም ጀሚሩ ኣብ ኩሎም ከባቢታት ኣብ ዝርከባ መዕደሊ ነዳዲታት ተግባራዊ ክግበር ኢዩ።
ካብ 16 ሚያዚያ 2015 ዓ.ም ጀሚሮ ኣብ ኣዲስ ኣበባ ዝተጀመረ እቲ ኣገልግሎት ፅቡቕ ውፅኢት ከምዘምፀአ ብምሕባር፥ ብዙሓት ዓማዊል ኤሌክትሮኒክ ሜላ ክፍሊት ሲ ቢ ኢ ብር ብናይ ኢድ ስልኮም ብምጥቃም ነዳዲ ከምዝተዓዳደጉ ኣብሪሆም፡፡
ኣብ ከተማ ኣዲስ ኣበባ ዝተረኸበ ልምዲ መሰረት ብምግባር÷ እቲ ባንኪ ብብርኪ ሃገር ካብ ፅባሕ ጀሚሩ ዝትግበር ኤሌክትሮኒክ ዕድጊት ነዳዲ ሙሉእ ምድላው ከምዝዛመ እቶም ዳይሬክተር ገሊፆም፡፡
እዋናዊ ሓበሬታ ንምርካብ፦
ቴሌግራም ገፅና https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube