ኣዲስ ኣበባ፣ 16 ሕዳር፣ 2015 (ኤፍ ቢ ሲ)ካብ ክልል ቤኒሻንጉል ጉሙዝ ኣብ ውሽጢ ሓደ ወርሒ 175 ኪሎ ግራም ወርቂ ናብ ብሔራዊ ባንኪ ከምዝኣተወ ግብረ ሓይሊ ቁፅፅር መዓድን እቲ ክልል ኣፍሊጡ።
እቲ ግብረ ሓይሊ÷ ካብ 1 ጥቅምቲ ክሳብ 15 ሕዳር 2015 ዓ.ም ዘሎ ኣፈፃፅማ ስራሕ ገምጊሙ ቀፃሊ ኣንፈት ኣቐሚጡ።
ዝፈሪ ወርቂ ሙሉ ብሙሉእ ናብ ብሄራዊ ባንኪ ከየኣቱ÷ ዘይሕጋዊ ዝውውር ወርቂ ፅዕንቶ እናሕደረ ከምዝኾነ ዝገለፀ እንትኸውን÷ ክልተ ወርሒ ኣብ ዘይመልእ እዋን ዝተርኣየ ኣፈፃፅማ ዝበረታታዕ ከምዝኾነ ኣመልኪቱ።
ኣፍረይቲ ወርቂን ኣዘዋወርቲን ሕጊ ተኸቲሎም ንኽሰርሑ ዘተሓሳሰበ እቲ ግብረ ሓይሊ÷ ናብ ብሄራዊ ባንኪ ኣብ ልዕሊ ዘየእትዉ ኣፍረይቲ፣ ኣዘዋወርቲን ካልኦት ተዋሳእቲን ዝጀመሮ ሕጋዊ ስጉምቲ ኣጠናኺሩ ከምዝቕፅል ምሕባሩ ካብ ኮሙዩኒኬሽን እቲ ክልል ዝረኸብናዮ ሓበሬታ የረድእ።
እዋናዊ ሓበሬታ ንምርካብ፦
ቴሌግራም https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrgna