ካምፕ ታንቡራ ካምፕ ዓድዋ ብዝብል ተሰይሙ

ኣዲስ ኣበባ፣ 5 ታሕሳስ፣ 2017 (ኤፍ ኤም ሲ)ኣብ ሕቡራት መንግስታት ኣብ ልኡኽ ዓቃቢ ሰላም ደቡብ ሱዳን መበል 19 ሞተራይዝድ ሻለቃ ናይ ግዳጅ ቀጣና ዝኾነ ካምፕ ታንቡራ ካምፕ ዓድዋ ብዝብል ስያመ ንክፅዋዕ ወሲኑ።

ሓይሊ ዓቃቢ ሰላም ኢትዮጵያ ኣብ ደቡብ ሱዳን ንሰላምን ምርግጋዕን ታንቡር ዘበርክቶ ዘሎ ኣስተዋፅኦ እቲ ካምፕ ዓድዋ ብዝብል ስያመ ንክፅዋዕ ምውሳኑ ኣብ ማሕበራዊ ሚዲያ ሰራዊት ምክልኻል ዝረኸብናዮ ሓበሬታ የረድእ።

ዓቃቢ ሰላም ኢትዮጵያ ግቡኡ ብዝለዓለ ብቕዓት ዝዋፃእን ዕዉት ምዃኑን ዝተገለፀ እንትኸውን፥ ኣብ ዝተዋፈረሉ ኣፀጋሚ ቀጣና ዳግማዊ ዓወት ዓድዋ  ኣብ ምምዝጋብ ከምዝርከብ ተሓቢሩ።

ዓድዋ መርኣያ ሓድነትን ፅንዓትን ኢትዮጵያዊያን ከምዝኾነ እውን ተገሊፁ።