ካልኣይ ዙር ምምላእ ማይ ግድብ ህዳሰ ብዕዉት ኩነታት ምዝዛሙ ፍሉይ መዓልቲ ብስራት ዓወት ኢትዮጵያ ኢዩ-ጀኔራል ብርሃኑ ጁላ

ኣዲስ ኣበባ ፣ 12 ሓምለ፣ 2013 (ኤፍ ቢ ሲ) ካልኣይ ዙር ምምላእ ማይ ግድብ ህዳሰ ብዕዉት ኩነታት ምዝዛሙ ፍሉይ መዓልቲ ብስራት ዓወት ኢትዮጵያ ኢዩ ክብሉ ላዕለዋይ ኢታማዦር ሹም ሰራዊት ምክልኻል ሃገር ጀኔራል ብርሃኑ ጁላ ተዛሪቦም።

እቶም ላዕለዋይ ኢታማዦር ሹም ንግዜኢ ኣብ ዝሃብዎ መግለፂ፥ ካልኣይ ዙር ምምላእ ማይ ግድብ ህዳሰ ብዕዉት ኩነታት ምዝዛሙ ስዒቡ ንመላእ ህዝቢ  ኢትዮጵያ ናይ እንኳዕ ደስ በለኩም መልእኽቲ አመሓላሊፎም።

ምምላእ ማይ እቲ ግድብ ኣብዚ ሐዚ ዘለዎ ብርኪ ንክበፅሕ ኢትዮጵያዊያን በልዑል ቁርፀኝነትን ምትሕብባርን ሰሪሖም ኢዮም ዝበሉ ጀኔራል ብርሃኑ ጁላ፥ “ካልኣይ ዙር ምምላእ ማይ ግድብ ህዳሰ ብዕዉት ኩነታት ምዝዛሙ ፍሉይ መዓልቲ ብስራት ዓወት ኢትዮጵያ ኢዩ” ኢሎም።

ኢትዮጵያ ንዝኾነ ይኹን ሃገር ናይ ምጉዳእ ባህጊን ዕላማን ከምዘይብላ ብምግላፅ፥ ምምላእ ማይ እቲ ግድብ እውን ነዚ ዘረጋግፅ ኢዩ ክብሉ ገሊፆም።

ኣሸባሪ ጉጅለ ህወሓት መነግስቲ ንህዝቢ ትግራይ ዝሃቦ ናይ ፅሞና እዋን ብምጥቃም ፅሕተራ ይገብር ከምዘሎ ሓቢሮም።

እዚ ድማ ንህዝቢ ዘይግድሶን ህዝቢ ንዝኸፍአ ፀገም ንምቅላዕ ቆሪፁ ዝተልዓለን ከምዝኾነ ዘረእይ ኢዩ ኢሎም።

ሰራዊት ምክልኻል ሃገር ካብ ዝኾነ ይኹን እዋን ንላዕሊ ኣብ ጠንካራ ቁመና ከምዘሎ ኣብሪሆም።

ስለዝኾነ እቲ ፅሕተራ ዝቕፅል እንተኾይኑ እቲ ሰራዊት ብዝወሃቦ ትእዛዝ ኣድላዪ ስጉምቲ ንምውሳድ ድልው ከምዝኾነ ኣረጋጊፆም።

እዋናዊ ሓበሬታ ንምርካብ፦

ቴሌግራም ገፅና https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።