ካልኣይ ዙር ምምላእ ማይ ግድብ ህዳሰ ምዝዛሙ ብሓድነት ዓወት ምሕፋስ ከምእንኽእል ዘርእይ ኢዩ-ርእሳነ ምምሕዳር ክልላት

ኣዲስ ኣበባ ፣ 12 ሓምለ፣ 2013 (ኤፍ ቢ ሲ)ካልኣይ ዙር ምምላእ ማይ ግድብ ህዳሰ ምዝዛሙ ብሓድነት ዓወት ምሕፋስ ከምእንኽእል ዘርእይ ኢዩ ክብሉ ርእሳነ ምምሕዳር ዝተፈላለያ ክልላት ገሊፆም።

ርእሰ ምምሕዳር ክልል ቤኒሻንጉል ጉምዝ፣ ጋምቤላን ሃረሪን፥ ካልኣይ ዙር ምምላእ ማይ ግድብ ህዳሰ ብዕዉት ኩነታት ምዝዛሙ ስዒቡ ናይ እንኳዕ ደስ በለኩም መልእኽቲ አመሓላሊፎም።

ህንፀት እቲ ግድብ ንከይዕወት ናይ ውሽጢን ደገን ፀላእቲ ንዓመታት ፅዕንቶ እናገበሩ ከምዝፀንሑ ኣብ ዘመሓላለፍዎ መልእኽቲ ገሊፆም።

ኢትዮጵያ ነቲ ግድብ እትሃንፆ ኣብ ናይ ሓባር ተረባሕነት መሰረት ብምግባር ከምዝኾነ ብምግላፅ፥ መንግስቲ እውን ቅዋሙ እንተይለወጠ ንዓመታት ሓቂ ሒዙ ምቅላሱ ኣረዲኦም።

መነግስቲን ህዝብን ብሓባር በዝገበርዎ ፃዕሪ ካልኣይ ዙር ምምላእ ማይ ግድብ ህዳሰ ብዕዉት ኩነታት ንክዛዘም ኣኽኢሉ ኢዩ ኢሎም።

በዚ ድማ ናይ እንኳዕ ደስ በለኩም መልእኽቲ አመሓላሊፎም ከብል ግዜኢ ፀብፂቡ።

እዋናዊ ሓበሬታ ንምርካብ፦

ቴሌግራም ገፅና https://t.e/tigrignafana

ዩቲዩብ ቻናል FBC Tigrigna

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።