ኩነታት ፀፅታ ንምቁፅፃር ምውፋር ድሮናት ክግበር ኢዩ

ኣዲስ ኣበባ፣ 2 ጥሪ፣ 2017 (ኤፍ ኤም ሲ)ጥሙር ሓይሊ ፀፅታ ኣብ ኣዲስ ኣበባን ከባቢኣን ዘሎ ኩነታት ፀፅታ ኣብ ዋና ቤት ዕዮ ፖሊስ ፌደራል ኢትዮጵያ ብምግምጋም ቀፃሊ ኣንፈት ኣቐሚጡ።

ኮሚሽነር ጀነራል ፖሊስ ፌደራል ኢትዮጵያ ደመላሽ ገ/ሚካኤል ኣብቲ መድረኽ፤ “ስራሕቲ ምክልኻል ገበን ብልዑል ብርኪ ከዕብዩ ዝኽእሉ ስራሕቲ እናተሰርሑ ይርከቡ” ኢሎም።

ኣብ ቀረባ መዓልቲታት ኣብ ከተማ ኣዲስ ኣበባ ፍሰት ትራፊክን ሓፈሻዊ ኩነታት ፀፅታን ከምኡ እውን ዓበይቲ ፕሮግራማት ቁፅፅር ክገብራ ዝኽእላ ድሮናት ክዋፈራ ከምዝግበር ኣብሪሆም።

ሰላምን ድሕንነትን ኣዲስ ኣበባ ዘላቒ ንኽኸውን ጥሙር ሓይሊ ፀፅታ ተዋዲድካ ብምስርሑ ልዑል ውፅኢት ከምዝተመዝገበ ገሊፆም።