ኣዲስ ኣበባ፣ 24 ታሕሳስ፣ 2016 (ኤፍ ቢ ሲ)ኩሉ ኢትዮጵያዊ ዜጋ ካብ ኣፈላላይ ፖለቲካዊ ኣመለኻኽታ ብምውፃእ ብዛዕበ ጉዳይ በሪ ባሕሪ ናይ ባዕሉ ኣስተዋፅኦ ክገብር ከምዝግባእ ሚኒትር ማይን ኢነርጂን ሃብታሙ ኢተፋ (ዶ/ር ኢ/ር) ገሊፆም፡፡
ላዕለዎት ኣመራርሓን ሰብ ሞያን ሚኒስቴር ማይን ኢነርጂን ተፀዋዕቲ ትካላትን ኢትዮጵያ በሪ ባሕሪ ምርካባ ኣመልኪቶም ዝተሰመዖም ሓጎስ ገሊፆም፡፡
ኣብቲ ፕሮግራም ዝተረኸቡ እቶም ሚኒስትር፥ ኢትዮጵያ ኣብ ታሪኻ በሪ ባሕሪ ብምጥቃም ምስ ማሕበረሰብ ዓለም ትገብሮም ንግዲን ካልኦት ርክባትን ከምዝነበሩ ኣዘኻኺም፡፡
ኣብ ዝተፈላለየ እዋን ብዘጋጠሙ ፖለቲካዊ ፀገማት ኢትዮጵያ ካብ ማያዊ ኣካላት ንኽትርሕቕ ተገይሩ ኢዩ ዝበሉ እቶም ሚኒስትር÷ ኣብዚ ሕዚ እዋን ምስ ሶማሌ ላንድ ኣዚዩ ሰላማዊ ብዝኾነ መገዲን ብስለት ብዝተመልኦን ጥበብ ኣመራርሓ ናብ በሪ ባሕሪ ክንፅጋዕ ምኽኣልና ዓብዪ ኩርዓት ኢዩ ኢሎም፡፡
ብምዃኑ ዝኾነ ይኹን ኢትዮጵዊ ካብ ኣፈላላይ ፖለቲካዊ ኣመለኻኽታታት ብምውፃእ ኣብ ጉዳይ በሪ ባሕሪ ናይ ባዕሉ ኣስተዋፅኦ ክገብር ከምዝግባእ ምግላፆም ካብቲ ሚኒስቴር ዝረኸብናዮ ሓበሬታ የረድእ፡፡
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com