ኣዲስ ኣበባ፣ 3 ግንቦት፣ 2014 (ኤፍ ቢ ሲ)ኣብዚ ሐዚ እዋን ኩሎም ሓይሊታት ፀፅታ ኣብ ዝሓሸ ቅዋምን ብቕዓትን ይርከቡ፤ ፀላእትና ክፈልጡ ይግባእ ክብሉ ቀዳማይ ሚኒስትር ኣቢይ ኣሕመድ ገሊፆም።
እቶም ቀዳማይ ሚኒስትር ኣብ ባህርዳር ኣብ ዝተኻየደ መርሃ ግብሪ ኣፍልጦን ምስጋናን ሓይሊታት ፀፅታ ክልል ኣምሓራ ተረኺቦም።
ኣብቲ መድረኽ ኣብ ዘመሓላለፍዎ መልእኽቲ፥ ኩሎም ሓይሊታት ፀፅታ ኣብ ዝሓሸ ቅዋምን ብቕዓትን ይርከቡ፤ ፀላእትና ክፈልጡ ይግባእ ኢሎም።
ናይቶም ሓይሊታት ብቕዓት ዋሕስ ሰላምን ህልውናን ኢትዮጵያ ኢዩ ኢሎም።
ፀላእቲ ኢትዮጵያ እዚ እንትፈልጡ ኢትዮጵያዊያን ብብሄር፣ ቋንቋ፣ ሃይማኖትን ፖለቲካን ተኸፋፊሉ ብዝብል ዝተሰሓሓተ ስልሒት ንከይፍፅሙ ጥንቃቐ ክገብሩ ይግባእ ኢሎም።
ኢትዮጵያዊያን ቅድመ ሐዚ ብብሄር፣ ሃይማኖት፣ ቋንቋን ፖለቲካን ኣተሓሳስባ ዝፈላልዩ ሰባት ከምዝነበርዋ ብምዝኽኻር፥ ኣፈላላዮም ግን ንኢትዮጵያ ካብ ምስዋእ ኣይዓገቶምን ኢሎም።
ብኢትዮጵያዊነት ብምትእኽኻብ ነፃ ሃገር ከምዘረከቡ ኩሉ ሎሚ እውን ካብ ዝተፈላላያ ክልላት፣ ብሄራት ሃይማኖታትን ኣተሓሳስባ ፖለቲካን ዝተውፃእፅኡ ኢትዮጵያውያን፤ ፀላኢ ህልውና ኢትዮጵያ ንምንካእ እንትደሊዩ ብሓባር እንስለፍን ህልውናና እነኽብርን ምዃንና ፀላእቲ ትምህርቲ
ወሲዶም ደጋጊሞም ክሓስቡ ይግባእ ክብሉ ኣተሓሳሲቦም።
ምስ ግብረ ራዕዲ ህወሓት ኣብ ዝነበረ ኲናት መከላከያ፣ ፖሊስ ፌዴራል፣ ፍሉይ ሓይሊ፣ ዝተፈላለዩ መምርሒታትን ዘለዎምን ዝተፈላለዩ ዩኒፎርምታት ዝተኸደኑ ሓይሊታትን ብሓባር ፀላኢ ምሕፋርን ነፃነትና ምቕፃልን ክኢሎም ኢዮም ኢሎም እቶም ቀዳማይ ሚኒስትር ክብል ኢፕድ ፀብፂቡ።
ሎሚ መዓልቲ ዝተውሃበ ሽልማት ዋጋ ህይወትን ደምን ንዝኸፈሉ ከምኡውን ብገንዘብን ፍልጠትን ንሃገሮም ኣስተዋፅኦ ንዘበርከቱ መላእ ኢትዮጵያውያን ዝተውሃበ ኢዩ ኢሎም።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna
https://www.youtube.com/…/%E1%88%B0%E1%89%A5%E1%88%B5… ይግበሩ/ራ!
ሓዱሽ መተግበሪ ፋና ብሮድካስቲንግ ኮርፖሬት
https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።