“ኩለ መዳያዊ ዓወት ኢትዮጵያ ዘንፀብራቕ እዩ’’ ብዝብል ርእሲ ዝተዳለወ ዓውደ ርኢይ  ፎቶግራፍ ኣብ ከተማ ሃረሪ ተኽፊቱ

ኣዲስ ኣበባ፣ 20 ግንቦት፣ 2014 (ኤፍ ቢ ሲ)“ኩለ መዳያዊ ዓወት ኢትዮጵያ ዘንፀብራቕ እዩ’’ ብዝብል ርእሲ ዝተዳለወ ዓውደ ርኢይ  ፎቶግራፍ ኣብ ከተማ ሃረሪ ተኽፊቱ።

ርእሰ ምምሕዳር ክልል ሃረሪ ኣይተ ኦርዲን በድሪ፣ ዋና ዳይሬክተር ሰብመዚ መራኸብቲ ሓፋሽ ኣይተ መሓመድ ኢድሪስ፣ ዋና ስራሕ ኣፈፃሚ ግልጋሎት ዜና ኢትዮጵያ ኣይተ ጌትነት ታደሰን ካልኦት ላዕለዎት ኣመራርሓታት ፌደራልን ክልልን ነቲ ዓውደ ርኢይ ከፊተሞ።

ኣብ ግልጋሎት ዜና ኢትዮጵያ ዝተዳለወ ዓውደ ርኢይ ፎቶግራፍ ካብ 1960ታት ፈሊሙ ክሳብ ሐዚ ዘሎ ኩለመዳያዊ ገፅታ ብዘርእይ መገዲ ንህዝቢ  ምቕራቡ ግልጋሎት ዜና ኢትዮጵያ ፀብፂቡ።

ብፍላይ ኢትዮጵያውያን ኣብ ወፍሪ ህልውና ዘርኣይዎ ቃልሲ ሃገር ንምድሓን ዝተኸፈሉ መስዋእትታት ዘርእዩ ፎቶታት ንምርኢት ቀሪቦም እዮም።

ካብ ከተማታት ጅግጅጋን ድሬዳዋን ቀፂሉ ን4 መዓልትታት ኣብ ከተማ ሃረር ንዝፀንሕ ዓውደ ርእይ ፎቶግራፍ፥ ኣመራርሓታት ኣጎራበቲ ክልላት ምብራቕ ፣ሰብሃፍቲ፣ ኣባገዳታትን ዓበይቲ ዓዲን ተሳቲፎም።