ከንቲባ ኣዳነች ኣቤቤ ስራሕቲ ልምዓት ኮሪደር ዝበፅሑሉ ደረጃ ገምጊመን

ኣዲስ ኣበባ፣ 27 ጥቅምቲ፣ 2017 (ኤፍ ቢ ሲ)ከንቲባ ምምሕዳር ከተማ ኣዲስ ኣበባ ኣዳነች ኣቤቤ ሎሚ መዓልቲ ንካልኣይ ዙር ኣብታ ከተማ እናተሰርሑ ዝርከቡ ሸሞንተ ስራሕቲ ልምዓት ኮሪደር ዝበፅሑሉ ደረጃ ገምጊመን።

እተን ከንቲባ ስራሕቲ ልምዓት ኮሪደር ዝርከቡሉ ብርሂ ብምግምጋም ቀፃሊ ብትኹረት ክሰርሑ ኣብ ዝግበኦም ስራሕቲ ከምዝተዛተያ ሓበሬታ ቤት ፅሕፈት ከንቲባ የመላኽት።

ከንቲባ ኣዳነች÷ “ኣብቲ እዋን ዘተ ብትልሚ መሰረት ቅድሚት ዝትግበሩ ተግባራት ብምፍላይ ብፅሬትን ብቕልጣፈን ከተማና ውቅብቲ፣ ንፅህቲ፣ ንናብራ ምችውቲ ንምግባር ብዕቱብ ምስራሐ ተጠናኺሩ ንኽቕፅል ኣተሓሳሲብና” ኢለን።

ካብዚ ብተወሳኺ ቅድሚ ሕዚ ከመዝተተግበረ ንኩሎም ክፋላት ሕብረተሰብ ብምስታፍ እቶም ስራሕቲ ከምዝስርሑ ኣረጋጊፀን።