ኣዲስ ኣበባ፣ 7 ነሓሰ ፣ 2015 (ኤፍ ቢ ሲ)ከንቲባ ምምሕዳር ከተማ ኣዲስ ኣበባ ኣዳነች ኣቤቤ ህንፀቶም ኣብ ምዝዛም ኣብ ዝርከቡ ዓበይቲ ማእኸላት ዕዳጋ ፍርያት ዑደት ኣካይደን፡፡
እተን ከንቲባ ኣብ ክፍለ ከተማ ኮልፌ ቀራንዮ ከባቢ ቤተልን ኣብ ክፍለ ከተማ ለሚ ኩራ ከባቢ ኣያት ህንፀቶም ኣብ ምዝዛም ዝርከቡ ዓበይቲ ማእኸላት ዕዳጋ ፍርያት ሕርሻ ዝርከቡሉ ኩነታት ተመልኪተን፡፡
ከንቲባ ኣዳነች ኣብ ማሕበራዊ ሚዲያ ገፀን÷ “ኣብ ህንፀት ዝርከቡ ማእኸላት ዕዳጋ ሕርሻ፣ ፍርያት ብስፍሓት ናብ ከተማና ምእታው ካብ ምኽኣልን ኣብ ከተማና ዘሎ ዘይሕጋዊ ምትእስሳር ዕዳጋ ክተርፍ ኣብ ምግባር ከምኡ እውን ፅዕንቶ ናብራ ዘቃልሉን ንነበርቲ ተወሳኺ ዕድል ስራሕ ዝፈጥሩ ኢዮም” ኢለን።
ንህዝቢ ብመሰረት ዝተኣተወ ቃል ዝተጀመሩ ፕሮጀክታት ሓደሽቲ ቴክኖሎጂታት ተግባራዊ ብምግባር ኣብ ዝተትሓዘሎም ግዘን ፅሬትን ብምዝዛም ኣብ ቀረባ መዓልቲ ንግልጋሎት ክፍቲ ከምዝግበሩ ገሊፆን፡፡
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com