እዚ ምብራቕ መዓልቲ ሰራዊት ምክልኻል ሃገር ኣኽቢሩ

ብፍላይ ኣብቲ ከባቢ ዘጋጥሙ ፀገም ፀፅታ ንምክልኻል ሕብረተሰብ ብዘሳተፈ መልክዑ ብትዕግስቲን ብጥንቃቐን እቶም ፀገማት እናፈትሖም ከምዝርከብ ብምግላፅ፥ እቲ ሰራዊት ሓድነቱን ድልዉነቱን ብምጥንኻር ንህዝቢ ዘለዎ ውግንና ዳግም ዘረጋግፀሉ እዋን ከምዝኾነ ኣብሪሆም።

እቲ ሰራዊት ኣብ ልዕሊ ህዝቢ ንዝፍፀሙ ኣካላዊን ንዋታዊን መጥቃዕቲታት ሕጊ መሰረት ብምግባር ናይ ምክልኻል ሓላፍነቱ ከምዝዋፃእ እውን ገሊፆም።

ኣቢዚ ዓመት ምስ ዝካየድ ሃገራዊ መረፃ ተተሓሒዞም ዝለዓሉ ፀገማት ንምፍታሕን ሰላም ሕብረተሰብ ንምርግጋፅን ዝስርሑ ስራሕቲ ተጠናኺሮም ከምዝቕፅሉ እውን ኣፍሊጦም።

ኣብቲ ዘተ ካብ ክልል ሃረሪ ዝተረኸቡ ተወከልቲ ሕብረተሰብ ከምዝበሉዎ፥ ኣብቲ ክልል ሰላም ንኸዓስል ትዕግስቲ ብዝተመልኦ መገዲ ዝስራሕ ዘሎ ስራሕ ውፅኢት እናምፀአ ምዃኑ ገሊፆም።

እቲ ተግባር ተጠናኺሩ ንኽቕፅልን ሓላሓሊፎም ኣብቲ ከባቢ ዝፍጠሩ ፀገማት እንተይ ተበኣኣሱ መዕለቢ ንኽረኽቡ ኮሚቴ ዕርቂን ሽምግልናን ብምጥያሽ ብፅሒቶም እናተዋፅኡ ከምዝርከቡ ምግላፆም እውን ካብ ቢሮ ኮሙዩኒኬሽን ክልል ሃረሪ ዝረኸብናዮ ሓበሬታ የረድእ።