ኤግዚብሽንን ሲምፖዚዬምን ሞቢሊቲ ኢትዮ-ግሪን ዓቕሚ ዲፕሎማሲ ኢትዮጵያ ዘንፀባረቑ ኢዮም-ኣለሙ ስሜ(ዶ/ር)

ኣዲስ ኣበባ፣ 20 ሕዳር፣ 2017 (ኤፍ ቢ ሲ)ኤግዚብሽንን ሲምፖዚዬምን ሞቢሊቲ ኢትዮ-ግሪን ዓቕሚ ዲፕሎማሲ ኢትዮጵያ ዘንፀባረቑ ኢዮም ክብሉ ሚኒስትር ትራንስፖርትን ሎጂስቲክስን ኣለሙ ስሜ(ዶ/ር) ገሊፆም።

እቶም ሚኒስትር ኣብ ማሕበራዊ ሚዲየኦም ኣብ ዘመሓላለፍዎ መልእኽቲ፥ ኣብ ዝሐሻለፉ መዓልታት ኣብ ኣዲስ ኣበባ ዝሳለጥ ዝነበረ ኤግዚብሽንን ሲምፖዚዬምን ሞቢሊቲ ኢትዮ-ግሪን ከምኡወን ፕሮግራም መሰረተ ልምዓት ኣፍሪካ ብዓወት ምዝዛሙ ዘኹርዕ ኢዩ ኢሎም።

እቶም መርሃ ግብሪታት ዓቕሚ ዲፕሎማሲን ሓምለዋይ ልምዓትን ኢትዮጵያ ብጭቡጥ ዘንፀባረቑ ኢዮም ኢሎም።

ብተወሳኺ ኣብ ኣፍሪካ ኩለ መዳያዊ ምዕባለ መሰረት ልምዓት፣ ኣብ ተሓዳሲ ኢነርጂን ዝምድናን ዚትዮጵያ ዘለዋ ማእከላዊ ግደ በቲ መርሃ ግብሪ ምርኣይ ከምዝተኽኣለ ገሊፆም።