ኣዲስ አበባ፣ 5 ሓምለ፣ 2015 (ኤፍ ቢ ሲ)መዛዘሚ መድረኽ ኣፈፃፅማ በጀት 2015 ዓ.ምን ትልሚ በጀት 2016 ዓ.ምን መንግስቲ ክልል ኦሮሚያን ጨንፈር ቤት ፅሕፈት ፓርቲ ብልፅግና እቲ ክልልን ኣብ ከተማ ኣዳማ ይሳለጥ ኣሎ።
ኣብቲ መድረኽ ርእሰ ምምሕዳር ክልል ኦሮሚያ ሽመልስ ኣብዲሳ ሓላፊ ቤት ፅሕፈት ፓርቲ ብልፅግና ኦሮሚያ ፍቃዱ ተሰማን ሓዊሱ ላዕለዎት ሓለፍቲ ስራሕ እቲ ክልል ከምኡ እውን ኣብ ዞባታትን ወረዳታትን ዝርከቡ ኣመራርሓ መንግስቲን ፓርቲን እናተሳተፉ ይርከቡ።
ኣይተ ሽመልስ አብዲሳ ኣብቲ መድረኽ ኣብ ዝገበሩዎ መደረ፥ “በጀት ዓመት 2015 ኣመራርሓ ኣብ እዋን ፈተና ምስ ህዝቡ ብምዃን ብልዑል መስዋእትነት ፅቡቕ ውፅኢት ኣመዝጊቡ ኢዩ” ኢሎም።
ኣመራርሓታት ብሓደ ወገን ሰላም ዘፅነዐ ብካሊእ መዳይ ድማ ዝተሃቀኑ ስራሕቲ ልምዓት ምዝዛም ዕላማ ገይሩ ሕብረተሰብ ብዘሳተፈ መልክዑ ብዝበለፀ ምስራሕ ትፅቢት ከምዝግበር ኣባሪሆም።
ኣብ ዝኾነ ይኹን ፀገም ውሽጢ ዝተጀመረ ጉዕዞ ብልፅግና ከምዝቕፅልን ዝዕወትን ከምዝኾነ እውን እቶም ርእሰ ምምሕዳር ገሊፆም፡፡
ኣይተ ፍቃዱ ተሰማ ብግደኦም፥ ኣብ ከይዲ ስራሕ ዘጋጥሙ ጥንካረታትን ድኽመታትን ብምፍላይ ጥንካረታት ንኽቕፅሉን ዝተፈለዩ ድኽመታት ድማ ክስተኻኸሉ ከምዝግበርን ተዛሪቦም።
ሎሚ ዕለት ዝተጀመረ መድረኽ ዘተ ኣፈፃፅማ በጀት ዓመት 2015 ምስ ገምገመ ኣብ ትልሚ 2016 በጀት ዓመት ተዛቲዩ ቀፀልቲ ኣንፈታት ቀቕምጥ ኢዩ ዝብል ትፅቢት ኣሎ።
ብመራኦል ከድር
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com