ኣገልግሎት ቀረብ መድሓኒት ኢትዮጵያ ኣብ ዝተዋደደ ስርዓት መረዳእታ ዝጠመተ ዘተ ምስ መዳርግቲ ኣካላት የካይድ ኣሎ

ኣዲስ ኣበባ፣ 30 ግንቦት፣ 2016 (ኤፍ ቢ ሲ)ኣገልግሎት ቀረብ መድሓኒት ኢትዮጵያ ኣብ ዝተዋደደ ስርዓት መረዳእታ ዝጠመተ ዘተ ምስ ኮሚሽን ጉምሩክ፣ መገዲ ኣየር ኢትዮጵያን ዩኒሴፍን የካይድ ኣሎ።

እቲ ፕሮጀክት፥ ቅድመ ሐዚ ዝነበረ ዝተበታተነ ኣወሃህባ ኣገልግሎት ብዝተዋደደን ስሩዕ ዝኾነን ፍሰት መረዳእታ ንክህልዎ ዘኽእል ከምዝኾነ ዋና ዳይሬክተር እቲ ኣገልግሎት ዶ/ር ዓብዱልቃድር ገልገሎ ኣገንዚቦም።

ኣብ 2015 ዓ.ም ብ9 ሚሊየን ዶላር ዕላዊ ምዃን ከምዝጀመረ ብምግላፅ፥ ኣብዚ ሐዚ እዋን ኣብ ዋና ኣብያተ ዕዮ፣ ኣዲስ ኣበባ ቁፅሪ 1 ን 2ን ቅርንጫፋት፣ ኣብ ቅርንጫፋት ኣዳማን ሃዋሳን ተግባራዊ የግበር ከምዘሎ ሓቢሮም።

ኣብ ቀፃሊ እውን ኣብ ዝተረፉ ቅርንጫፋት ኣገልግሎት ንምሃብ መድላው ይግበር ከምዘሎ ገሊፆም።

ብመሳፍንት እያዩ