ኣዲስ ኣበባ ንዕዉትነት ጉባኤ ሕብረት ኣፍሪካ ዘለዋ ምድላው ዝነኣድ ኢዩ-ሱዳናዊ ጋዜጠኛ

ኣዲስ ኣበባ፣ 17 ታሕሳስ፣ 2017 (ኤፍ ኤም ሲ)ኣዲስ ኣበባ ንዕዉትነት ጉባኤ ሕብረት ኣፍሪካ ዘለዋ ምድላው ዝነኣድ ኢዩ ክብል ሱዳናዊ ፀሓፊ ፕሬስ፣ ተንታኒን ኣማኻሪ ሚዲያን መኪ ኢልሞግራቢ ገሊፁ።

ካብ 2009 ዓ.ም.ፈ ጀሚሩ ጉባኤ እቲ ሕብረት ክከታተል ምፅንሑ ብምዝኽኻር፥ ኢትዮጵያ ነቲ ኣኼባ ኣብ ምቹእ ኩነታት ሰላማዊ ኮይኑ ንክካየድ ኩሉ እዋን እትገብሮ ፃዕሪ ንኢዱ።

ምስቲ ጉባኤ ብዝተዛመደ ንዓለም ለኸ ዲፕሎማታትን መራሕቲ እቲ ሕብረትን ከይዲ ቪዛ ብኦን ላይን ምውሃቡ ስሉጥን ስራሕቲ ወረቐት ዘትረፈን ከምዝኾነ ብምሕባር እቲ ከይዲ ከምዝነኣድ ተዛሪቡ።

ኣብ መገዲ ኣየር ኢትዮጵያ ኦን ላይን ቪዛ ምውሃቦ ኣብ መንጎ ሀዝብታት እዛ ኣህጉር ዘይተቛረፀ ርክብ ንክፍጠር ዝሕግዝ ኢዩ ኢሉ።

ኒውዮርክ፣ ዋሽንግተንን ጄኔቫን ሓዊሱ ኣብ ዝተፈላለያ ከተማታት ዓለም ለኸ ጉባኤታት ከመዝተኸታተለ ብምሕባር፥ ኣብ ኣዲስ ኣበባ እውን ምስ’ተን ከተማታት ዝመዓራረ ባህሊ ኣቀባብላ ኣጋይሽ ምህላዉ ሓቢሩ።

ብወንደሰን ኣረጋኸኝን ሚኪያስ ኣየለን