ኣዲስ ኣበባ፣ 27 ሰነ፣ 2015 (ኤፍ ቢ ሲ)ምክትል ቀዳማይ ሚኒስትርን ሚኒስትር ጉዳያት ወፃኢን ኣይተ ደመቀ መኮንን ምስ ኣባል ባይቶ ወከልቲ ህዝቢ ኣሜሪካ ትሬንት ኬሊ ኣብ ቢሮኦም ተዛቲዮም።
ክልቲኦም ወገናት ክልተኣዊ ርክብ ኢትዮ-ኣሜሪካ ንጥንኻር ኣብ ዝከኣለሉ ኩነታት ኣድሂቦም ዘትዮም፡፡
ካብዚ ብተወሳኺ እዋናዊ ጉዳያት ምቭራቕ ኣፍሪካ ኣልዒሎም ከምዝተዛተዩ ተገሊፁ፡፡
ኣባል ባይቶ ወከልቲ ህዝቢ ኣሜሪካ ትሬንት ኬሊ÷ መንግስቲ ኢትዮጵያ ስምምዕነት ሰላም ፕሪቶሪያ ኣኽቢሩ ንተፈፃምነቱ ዝወስዶም ስጉምቲታትን እቲ ስምምዕነት ካብ ዝፍረም ንደሓር ዝገበሮም ምምሕያሻትን ንኢዶም፡፡
መንግስቲ ኣሜሪካ ጥሕሰት ሰብኣዊ መሰላት ኣብ ኢትዮጵያ ተፈፂሙ ኢዩ ብዝብል ኣንቢሩዎ ዝነበረ ማዕቐብ ንምልዓል ምውሳኑ÷ ክልተኣዊ ርክብን ዓለም ለኸ ምትሕብባርን ክልቲአን ሃገራት ብዝበለፀ ንምጥንኻር ከምዝሕግዝ ምግላፆም ካብ ሚኒስቴር ጉዳያ ወፃኢ የረድእ።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com