ኣዲስ ኣበባ፣ 7 ሓምለ፣ 2015 (ኤፍ ቢ ሲ)ምክትል ቀዳማይ ሚኒስትርን ሚኒስትር ጉዳያት ወፃኢን ኣይተ ደመቀ መኮንን ምስ ሚኒስትር ጉዳያት ወፃኢ ደቡብ ኣፍሪካ ናሌዲ ፓንዶርን ሚኒስትር ጉዳያት ወፃኢ ቻድ ማህማት ሳሌህ ኣናዲፍን ኣብ ኬንያ ናይሮቢ ተዛቲዮም።
ኣይተ ደመቀ ነቶም ሚኒሰስትራት ብዛዕባ ስምምዕነት ሰላም ፕሪቶሪያ ተስፋ ዝህቡ ኣፈፃፅማን ኢትዮጵያ ሓበራዊ ኮሚሽን ሚኒስትራት ርክብ ብዝበለፀ ንምጥንኻር እናሰርሐት ከምዝኾነት መብርሂ ሂቦም።
ናሌዲ ፓንዶር ኣብቲ እዋን ዘተ÷ ደቡብ ኣፍሪካ ትልሚታት መፈፀሚ ሰላም ተግባራዊ ንኽኾኑ ንምድጋፍ ቆራፅ ከምዝኾነት ተዛሪቦም።
ኣይተ ደመቀ መኮንን ምስ ሚኒስትር ጉዳያት ወፃኢ ቻድ ማህማት ሳሌህ ኣናዲፍ ኣብ ዝገበሩዎ ተመሳሳሊ ዘተ÷ ኣብ ክልተኣዊን ዞባዊን ጉዳያት ትኹረት ከምዝገበሩ ካብ ሚኒስቴር ጉዳያት ወፃኢ ዝረኸብናዮ ሓሬታ የረድእ።
መበል 43 ስሩዕ ኣኼባ ቤት ምኽሪ ፈፀምቲ ስራሕ ሕብረት ኣፍሪካ ኣብ ኬንያ ናይሮቢ እናተኻየደ ይርከብ።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com