ኣይተ ደመቀ መኮነን ምስ ሚኒስትር ጉዳያት ወፃኢ ህንዲ ብስልኪ ተዛቲዮም

ኣዲስ ኣበባ፣  21 ነሓሰ፣ 2013 (ኤፍ ቢ ሲ)መክትል ቀዳማይ ሚኒስትርን ሚኒስትር ጉዳያት ወፃኢን ኣይተ ደመቀ መኮነን ምስ ሚኒስትር ጉዳያት ወፃኢ ህንዲ ዶክተር ሱብራማንያ ጄይሻንካር ብስልኪ ተዛቲዮም።

ኣይተ ደመቀ፥ ህንዲ ኣብ ዓለም ለኸ መድረኽ ንኢትዮጵያ እትህቦ ዘላ ኣብ መትከል ዝተደረኸ ጠንካራ ድጋፍ ኣመስጊኖም።

ብፍላይ ኣብ ናይ ውሽጣዊ ጉዳይ ኢትዮጵያ ኢድ ንምእታው ዝደሊዩ ኣካላት ልዑል ድፍኢት እናገበሩ ኣብ ዘለውሉ እዋን፣ ኣብ ቤት ምኽሪ ፀፅታ ውድብ ሕቡራት መንግስታት ኣብ ናይ ኢትዮጵያ ውሽጣዊ ጉዳይ ጣልቃንምእታው ዝግበር ብምቅዋም ህንዲ ንኢትዮጵያ ድጋፍ ምሃባ ኣመስጊኖም።

ግድብ ህዳሰ ኢትዮጵያ ብዝምልከት ህንዲ ዝሓዘቶ ፈትሓዊ ቅዋም ዝነኣዱ ኣይተ ደመቀ፥ ኣብ ቀረባ እዋን ብወገን ቱኒዚያ ነቲ ቤት ምኽሪ ፀፅታ ንካልኣይ ግዜ ንክቐርብ ዝተሓሰበ ኢ-ፍትሓዊ ውሳነ ሓሳብ፣ ሰለስቲአን ሃገራት ካብ ዝተፈራረማሉ መትከላት ስምምዕነት ከምኡውን ኣብ ኣፍሪካ ሕብረት ካብ ዝግበር ፃዕሪ ዝፃረር ብምዃኑ እዚ ኣካይዳ ደው ንምባል ህንዲ ድጋፋ ኣጠናኺራ ንክትቅፀል ሓቲቶም።

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።