ኣይተ ኣደም ፋራህ ምስ ኣመራርሓ ክልል ኣምሓራ ኣብ ዝተፈላለዩ ዛዕባታት ንምዝታይ ባህርዳር ኣቲዮም

ኣዲስ ኣበባ፣ 11 ታሕሳስ፣ 2017 (ኤፍ ኤም ሲ)ብመዓርግ ምክትል ቀዳማይ ሚኒስትር  ሓላፊ ማእኸል ምትሕብባር ህንፀት ስርዓት ዴሞክራሲን መክትል ፕሬዚዳንት ፓርቲ ብልፅግናን ኣይተ ኣደም ፋራህ ምስ ኣመራርሓ ክልል ኣምሓራ ኣብ ዝተፈላለዩ ዛዕባታት ንምዝታይ ባህርዳር ኣቲዮም።

ኣብ መዕርፎ ነፈርቲ ደጅ ኣዝማች በላይ ዘለቀ ባህርዳር እንትበፅሑ ላዕለዎት ኣመራርሓ እቲ ክልልን ፓርቲ ብልፅግናን ኣቀባብላ ገይረሙሎም።

ኣይተ ኣደም ኣብ ዝህልዎም ፃንሒት፥ ምስ ላዕለዎት ኣመራርሓ ኣብ ጉዳይ ፀፅታ፣ ልምዓትን ካልኦት ዛዕባታትን ጠመተ ዝገበረ ዘተ ክገብሩ ኢዮም ዝብል ትፅቢት ኣሎ ክብል ኣሚኮ ፀብፂቡ።