ኣዲስ ኣበባ፣ 6 ነሓሰ፣ 2014 (ኤፍ ቢ ሲ)ሓይሊ ኣየር ኢትዮጵያ ክልል ኣየሩ ካብ ዝኾነ መጥቃዕቲ ንምሕላው ኣብ ዘኽእል ቁመና ከምዝርከብ ዋና ኣዛዚ እቲ ሓይሊ ኣየር ሌተናል ጀነራል ይልማ መርዳሳ ገሊፆም።
ሌተናል ጀነራል ይልማ መርዳሳ ከምዝገለፁዎ÷ እቲ ሓይሊ ኣየር ቴክኖሎጂ ብምፍጣርን ዝሰልጠነ ሓይሊ ሰብ ብምፍራይን ኣብ 2022 ዓ.ም ካብ ኣፍሪካ ቀዳማይ ሓይሊ ኣየር ናይ ምዃን ራኢ ሰኒቑ ይርከብ፡፡
ኣባላት ሓይሊ ኣየር ቅድም ክብሉ ኣብ ዝበሉ ዓመታት ብፖለቲካዊ ኣመለኻኽታን ብመንነት ብሄርን ተኸፋፊሎም ፀገም እቲ ሓይሊ ኣየር ቀዲቑ ከምዝነበረ ኣብሪሆም፡፡
“ድሕሪ ለውጢ እዚ ኣተሓሳስባ ብምቕያር ኩሉ ኣባል ሰራዊት ካብ ኣተሓሳስባ ፖለቲካን ብሄርን ንኽወፅእ ብምግባር ኢትዮጵያዊ መልክዕ ዘለዎ ሓይሊ ኣየር ምህናፅ ተኻኢሉ ኢዩ” ኢሎም፡፡
ሓይሊ ኣየር ፌዴሪኢ “ንዓባይ ሃገር ዓብዪ ሓይሊ ኣየር” ብዝብል መሪሕ ሓሳብ ንዘበኑ ዝምጥን ቴክኖሎጂ ሓይሊ ሰብ፣ ዘበናዊ ዕጥቂን መሰረተ ልምዓት ውግእን ከምዘማለአ ገሊፆም፡፡
እቲ ሰራዊት ኣየር ክልል ኢትዮጵያ 24 ሰዓት ሙሉእ ብተጠንቀቕ እናሓለወ ከምዝኾነ ዝገለፁ ሌተናል ጀነራል ይልማ÷ ኣብ ዝኾነ ይኹን ኩነታት ንወፍሪ ድሉው ዝኾነ ሓይሊ ከምዝኾነ ምግላፆም ግዜኢ ፀብፂቡ፡፡
እዋናዊ ሓበሬታ ንምርካብ፦
ቴሌግራም https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com