ኣዲስ ኣበባ፣ 9 ነሓሰ፣ 2015 (ኤፍ ቢ ሲ)ዕስለ ኣንበጣን ባርኖስን ብዝተዋደደ ኣገባብ ምክልኻል ከምዝግባእ ኣብ ጊዝያዊ ምምሕዳር ክልል ትግራይ ቢሮ ጉዳይ መናእሰይ ፃውዒት ኣቕሪቡ።
እቲ ቢሮ ሎሚ ኣብ ዝዘርገሖ ደብዳቤ÷ “ዓንዲ ሑቐ ትግራይ ዝኾኑ መናእሰይ ኣብ ምክልኻልን ዕስለ ኣንበጣን ባርኖስን መሪሕ ክህልዎም ክህልዎም ትፅቢት ይግበር” ኢሉ።
ኣንበጣን ባርኖስን ንምክልኻል ኩሉ ክፋል ሕብረተሰብ ብንቕሓት ክከታተልን ክከላኸልን ከምዝግባእ ዝሓበረ እቲ ቢሮ÷ ብፍላይ መናእሰይ ነዞም ንህዝቢ ናብ ሓደጋ ጥምየት ከቃልዑ ዝኽእሉ ባልዓት ንምክልኻል በብጣብየኦምን ቁሸቶምን ተወዲቦም ብንቕሓት ክከታተሉን እቲ ፀገም እንትፍጠር ድማ ግብረ መልሲ ክህቡን ከምዝግባእ ኣገንዚቡ።
ሰፋሕቲ ምልዕዓላት ክግበርን ከምዝግበኦ ዝሓበረ እቲ ቢሮ÷ ሰብ ሃፍቲ ከተማታት፣ ነጋዶን ካልኦት ክፋላት ማሕበረሰብን ከም ነፋሒቶ፣ ርችት፣ ትኪ ዝበሉ መከላኸሊ መሳርሒታት ኣዳልዮም ክከላኸሉን ስራሕቲ ምልዓል ክሰርሑን ፃውዒት ምቕራቡ ካብ ቤት ፅሕፈት ጉዳያት ኮሙዩኒኬሽን ግዚያዊ ምምሕዳር እቲ ክልል ዝረኸብናዮ ሓበሬታ የረድእ።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com