ኣዲስ ኣበባ፣ 23 ታሕሳስ፣ 2017 (ኤፍ ኤም ሲ)ኣብ ስፔን ማድሪድ ኣብ ዝተኻየደ ውድድር ጉያ 10 ኪሎ ሜትሮ ሳን ሲልቬስተር 2024 ኣትሌት በሪሁ ኣረጋዊ ሓዱሽ ክበረወሰን ብምስባር ታዊቱ፡፡
ኣትሌት በሪሁ ነቲ ርሕቐት 26 ደቒቕ 32 ሰከንድን ብዝኾነ ሰዓት ብምዝዛም ኢዩ ክብረ ወሰን ብምምሕያሽ ተዓዊቱ ዘሎ፡፡
ኡጋንዳዊ ኣትሌት ጃኮብ ኪፕሊሞ ብሓንቲ ሰከንድ ድሒሩ ብምእታው ካልኣይ ደረጃን እንትሕዝ÷ ስፔናዊ ኣዴል ሚካኤል ድማ ሳልሳይ ደረጃን ብመሓዝ ዛዚሙ፡፡
ክበረ ወሰን 10 ኪሎ ሜትሮ ብኬንያዊው ኣትሌት ሮኔክስ ኪፑሩቶ ተታሒዙ ዝነበረ እንትኸውን÷ እቲ ኣትሌት መበረታትዒ መድሓኒት ምጥቃሙ ስዒቡ ውፅኢቱ ከምዝተሰረዘ ይፍለጥ፡፡
ብተመሳሳሊ ኣብ ጣልያን ከተማ ቦላንዞ ኣብ ዝተኻየደ ዓመታዊ ውድድር ጉያ 10 ኪሎ ሜትሮ ቦክላሲክ ኣትሌት ጥላሁን ሃይሌ ተዓዊቱ፡፡
ትውልደ ኢትዮጵያዊን ንጣልያን ዝጎዪን የማነ ከሪፓ ካልኣይ ከምኡ እውን ኬንያዊው ቻርለስ ሮቲች 3ይ ደረጃ ብመሓዝ ዛዚሞም፡፡