ኣዲስ ኣበባ፣ 15 ግንቦት፣ 2015 (ኤፍ ቢ ሲ)ኣብ ፋና ብሮድካስቲንግ ኮርፖሬት ንልዕሊ 20 ዓመታት ብቴክኒሻንነት ዘገልገሉ ኣይተ ሳሙኤል ኣርኣያ ካብዚ ዓለም ብሞት ተፈሊዮም።
ኣይተ ሳሙኤል ካብ 1994 ዓ.ም ጀሚሮም ካብ ጀማሪ ክሳብ ሲኒየር ቴክኒሻንነት ኣብ ፋና ብሮድካስቲንግ ኮርፖሬት ኣገልጊሎም።
ብሙየኦም ኣብ ዝተፈላለያ ጣቢያታት ፋና ኤፍ ኤም ኣተሓባባሪ ቴክኒክ ብምዃን ሰሪሖም።
ኣይተ ሳሙኤል ብሃንደበታዊ ሕማም ኣብ መበል 47 ዕድሚኦም ትማሊ 14 ግንቦት 2015 ዓ.ም ካብዚ ዓለም ብሞት ተፈሊዮም።
ኣይተ ሳሙኤል በዓል ሓዳርን ኣቦ ክልተ ቆልዑትን ነይሮም።
ስነ ስርዓት ቀብሮም ፅባሕ ሰዓት 12 ንጎሆ ኣብ መቐለቤተ ክርስቲያን ኣቡነ ኣረጋዊ ላጪ ክፍፀም ኢዩ።
ፋና ብሮድካስቲንግ ኮርፖሬት ብሃንደበታዊ ሞት መሳርሕትና ዝተሰመዖ ሓዘን ገሊፁ፤ ንመላእ ቤተሰብን ስድራን ምፅንዕናዕ ተመኒዩ።