ኣብ ፀወታ ሻምፒየንስ ሊግ ሊቨርፑል ምስ ሪያል ማድሪድ ዝገብረኦ ንሕንሕ ልዑል ትፀቢት ይግበረሉ

ኣዲስ ኣበባ፣ 18 ሕዳር፣ 2017 (ኤፍ ቢ ሲ)5ይ ዙር ካልኣይ መዓልቲ ፀወታ ሻምፒየንስ ሊግ ኣውሮፓ ሎሚ ምሸት ቀፂሎም እንትካየዱ ሊቨርፑልን ሪያል ማድሪድን ኣብ ኣንፊልድ ዝገብረኦ ንሕንሕ ልዑል ትፅቢት ይግበረሉ፡፡

ምሸት ሰዓት 2፡45 ሰርቢያዊት ጋንታ ሬድ ስታር ቤልግሬድ ምስ ጀርመናዊት ጋንታ ስቱትጋርት ከምኡ እውን ኦትስሪያዊት ስትሩም ግራዝ ምስ ስፔናዊት ጋንታ ዢሮና ክፃወታ ኢየን፡፡

ምሸት ሰዓት 5 ጋንታ መረሲሳይድ ሊቨርፑል ኣብ ኣንፊልድ ምስ ተዓዋቲት ፅዋዕ ቻምፒየንስ ሊግ ሪያል ማድሪድ ዝገብረኦ ፀወታ ልዑል ትፅቢት ዝግበረሉ ፀወታ እዚ ዕለት ኢዩ፡፡

ብተመሳሳሊ ሰዓት ኣስቶንቪላ ምስ ጁቬንቱስ፣ ቦሎኛ ምስ ሊል፣ ሴልቲክ ምስ ክለብ ብሩጅ፣ ዳይናሞ ዛግሬብ ምስ ቡሩሺያ ዶርቱመንድ፣ ሞናኮ ምስ ቤኒፊካ ከምኡ እውን ፒኤስቪ ምስ ሻካታር ዶኔስክ ክራኸባ ኢየን፡፡

ትማ ምሸት ኣብ ዝተገበሩ ፀወታታት ትፅቢት ዘይተገበረሎም ፀወታታት ዝተመዝገቡ እንትኾኑ÷ ኣርሰናል ንስፖርቲንግ ሊዝበን 5 ን 1 እንትትስዕር ፤ ባየርን ሙኒክ ንፒኤስጂ 1 ን 0 ስዒራታ፡፡

ማንቼስተር ሲቲ ንፌይኑርድ 3 ን 0 እናመርሐት ትፅናሕ እምበር ድሕሪ 75 ደቒቕ ብዝተመዝገቡዋ ሸቶታት 3  ማዕረ ብዝኾነ ውፅኢት ተፈላሊየን፡፡

ኤሲ ሚላን ንብራቲስላቫ 3 ን 2፣ ኣትሌቲኮ ንማድሪድ ስፓርታ ፕራግ 6 ን 0፣ ባርሴሎና ንብረስት 3 ን 0፣ ባየርሊቨርኩሰን ንሬድ ቡል ሳልዝበርግ 5 ን 0፣ ኢንተር ሚላን ንኣርቢ ሌብዢግ 1 ን 0 ከምዙ እውን ኣትላንታ ንያንግ ቦይስ 6 ን 1 ብምስዓር ተዓዊተን፡፡