ኣብ ዞባ ምብራቕ ትግራይ ብበዓል ሃፍቲ ዘርኡ ገብረሊባኖስ  ዝተሃነፅ ካልኣይ ብርኪ ቤት ትምህርቲ ማይ መገልታ ተመሪቁ

ኣዲስ ኣበባ፣ 8 ሕዳር፣ 2017 (ኤፍ ቢ ሲ)ኣብ ክልል ትግራይ ዞባ ምብራቕ ወረዳ ፃዕዳ እምባ ጣብያ ማይ መገልታ ብበዓል ሃፍቲ ዘርኡ ገብረሊባኖስ  ብልዕሊ 50 ሚልዮን ብር ዝተሃነፅ ካልኣይ ብርኪ ቤት ትምህርቲ ማይ መገልታ ተመሪቁ።

ኣብቲ ስነ ስርዓት ምረቓ÷ ምክትል ርእሰ ምምሕዳር ግዝያዊ ምምሕዳር ክልል ትግራይ ሌተናል ጀነራል ታደሰ ወረደ፣ ሓላፊ ቢሮ ትምህርቲ እቲ ክልል ኪሮስ ጉዑሽ (ዶ/ር )፣ በዓል ሃፍቲ ዘርኡ ገብረ ሊባኖስ፣ መምሃራን፣ ተምሃሮ፣ ወለዲ ተምሃሮን ካልኦት ዕዱማት ኣጋይሽን ተረኺቦም።

እቲ ሎሚ መዓልቲ ተመሪቑ ንከይዲ ንምምሃር ምስትምሃር  ክፍቲ ዝኾነ ቤት ትምህርቲ÷ ዝሓሸ ዓቕሚ ዘለዎ ዝትምሃረ ወለዶ ኣብ ምህናፅ ልዑል ኣስተዋፅ ከምዝገብር መምሃራንን ተምሃሮን እቲ ከባቢ ገሊፆም።

ካብዚ ብተወሳኺ ትምህርቲ ንምርካብ ነዊሕ መንገዲ እንትጓዓዙ የጋጥምዎም ዝነበሩ ዝተፈላለዩ ፅገማት ዘቃልል ከምዝኾነ ብምግላፅ እቶም በዓል ሃፍቲ ንዝገበርዎ ሓገዝ ንኢዶም።

ኣብቲ ቤት ትምህርቲ ዘሎ ሕፅረት ናውትታት ትምህርቲ ንክቕረፍ ካልኦት ሰብ ሃፍቲ ኣሰር በዓል ሃፍቲ ዘርኡ ገብረሊባኖስ ንክስዕቡ እውን ተላብዮም።

ኣይተ ዘርኡ ገብረ ሊባኖስ÷ ኣብ ዝተፈላለያ ከባቢታት ትግራይ ልዕሊ 350 ሚሊዮን ብር ፈሰስ ብምግባር 7 ኣብያተ ትምህርቲ ኣብ ምህናፅ ይርከቡ።

ብብርኽቲ ማህተም