ኣብ ዓቃቢ ሰላም ሶማሊያ ዝተዋፈረ ሰራዊት ኢትዮጵያ ኣፍልጦ ተዋሂቡ

ኣዲስ ኣበባ፣ 8 ታሕሳስ፣ 2017 (ኤፍ ኤም ሲ)ብልኡኽ ምዕቃብ ሽግግር ሰላም ኣፍሪካ(ኣትሚስ) ኣብ ሶማሊያ ዝተዋፈረ ሰራዊት ኢትዮጵያ ሜዳሊያ ክብሪ  ተዋሂቡ።

እቲ ሰራዊት ሽልማት ሜዳሊያ ዝተውሃቦ ኣብ ሶማሊያ ሰላምን ምርግጋዕን ንምፍጣር ብዝሰርሖ ዝነኣድ ስራሕ ከምዝኾነ ተሓቢሩ።

ኣዛዚ ሰራዊት ኣትሚስ ብርጋዴር ጄነራል ክንዱ ገዙ፥ እቲ ሰራዊት ንዘርኣዮ ቁርፀኝነት፣ ሙያዊ ስነ ምግባርን ኣፈፃፅማ ልኡኽን ናእደኦም ገሊፆም።

ንሰላምን ምርግጋዕን ሶማሊያ ንዝሰርሖ ስራሕን ዝኸፈሎ መስዋእቲን እቲ መዳሊያ ከምዝተውሃቦ ድማ ብርጋዴር ጄነራል ክንዱ ተዛሪቦም።

ኢትዮጵያ ካብ 1950ታት ጀሚሩ ንሰላም ቀርኒ ኣፍሪካን ዓለምን ብልዑል ቁርፀኝነት ብፅሒታ ክትዋፃእ ምፅናሓ ምግላፆም ኣብቲ ትካል ዝረኸብናዮ ሓበሬታ የረድእ።