ኣዲስ ኣበባ፣ 26 ሰነ፣ 2014 (ኤፍ ቢ ሲ)ርእሰ ምምሕዳር ክልል ጋምቤላ ኣይተ ኡሞድ ኡጁሉ ኣብ ክልል ጋምቤላ 4ይ ዙርያ መርሃ ግብሪ ሓምላዋይ ኣሰር ኣጀሚሮም፡፡
ኣብቲ ክልል መጀመሪ 4ይ ዙርያ መርሃ ግብሪ ሓምላዋይ ኣሰር ኣብ ወረዳ ጋምቤላ ቀበሌ ቀርሚ ተጀሚሩ፡፡
ኣብቲ መርሃ ግብሪ ርእሰ ምምሕዳር ክልል ጋምቤላ ኣይተ ኡሞድ ኡጁሉ ሓዊሱ ኣመራርሓታት ክልል፣ ዞባታትን ወረዳታትን ኢሉውን ነበርቲ እቲ ከባቢ ተረኺቦም፡፡
ኣይተ ኡሞድ ኡጁሉ ኣብቲ መርሃ ግብሪ ኣብ ዘስመዕዎ መደረ÷ ኣብቲ ክልል ፅዕንቶ ለውጢ ኩነታት ኣየር ንምንካይ ኣብ ዝሓለፉ ኣርባዕተ ዓማውቲ ብርክት ዝበሉ ቑፅሪ ዘለዎም ፈልሲታት ከምዝተተኸሉ ገሊፆም፡፡
“ሎሚ ዓመት ድማ 9 ነጥቢ 5 ሚሊየን ፈልሲ ንምትካል ትልሚ ተታሒዙ እዩ” ኢሎም፡፡
ሕብረተሰብ ኣብ ዝተዳለዉ ከባቢታት ፈልሲ ብምትካል ዝተታሐዘ ትልሚ ንከዐውት ፃውዒት ምቕራቡ ካብ ኮሙኒኬሽን ክልል ጋምቤላ ዝረኸብናዮ ሓበሬታ የመላኽት፡፡
እዋናዊ ሓበሬታ ንምርካብ፦
ቴሌግራም https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com