ኣዲስ ኣበባ፣ 24 መጋቢት፣ 2015 (ኤፍ ቢ ሲ)ድሕሪ ለውጢ ዝተረኸበ ዓወትን እቲ ዓወት ክቕፅል ንምግባርን ዝዓለመ ኣብ መላእ ክልል ኦሮሚያ ሰልፊ ድጋፍ ተኻይዱ።
ተሳተፍቲ እቲ ሰልፊ ድጋፍ፥ ድሕሪ ለውጢ ኣብ ዘለዉ 5 ዓመታት ኣብ ክልል ኦሮሚያ ብመዳይ ፖለቲካ፣ ኢኮኖሚ፣ ማሕበራዊን ካልኦት ዓውዲታትን ዝተመዝገቡ ውፅኢታት ዘንፀባርቑ ጭርሖታትን መልእኽቲታትን ኣመሓላሊፎም፡፡
ኣብ ኩሎም ዞባታን ምምሕዳር ከተማታትን እቲ ክልል ኣብ ዝተኻየደ ሰልፊ ድጋፍ፥ ህዝቢ ዝተረኸቡ ዓወታት ክቕፅሉ ንምግባር ቆራፅነቱ ኣረጋጊፁ፡፡
ሰልፈኛታት “ውፅኢታት እቲ ሰልፊ ኣጠናኺርና ክንቅፅል ኢና፣ ፅንፈኝነት ንቃወም፣ ግድብ ህዳሰን ቀዳማይ ሚኒስትር ኣቢይ ኣሕመድ ዝጀመሩዎም ስራሕቲን ኣብ ጎኖም ብምዃን ኣብ መወዳእታ ክነብፅሕ ኢና፣ 24 መጋቢት ሓወልቲ ናፅነትን ማዕርነትን ዝተነበረሉ መዓልቲ ኢዩ” ዝብሉን ካልኦትን መልእኽቲታት ኣስሚዖም፡፡
ኣብ ዝተፈላለዩ ከባቢታ እቲ ክልል ዝተኻየደ ሰልፊ፥ ብዙሕ ቁፅሪ ዘለዎም ዜጋታት ድሕሪ ለውጢ ዝተረኸበ ዓወት ክቕፅል ንምግባር ዘለዎም ቆራፅነት ገሊፆም፡፡
እዋናዊ ሓበሬታ ንምርካብ፦
ቴሌግራም ገፅና https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube