ኣዲስ ኣበባ፣ 27 መጋቢት፣ 2015 (ኤፍ ቢ ሲ)ብዝነበረ እዋናዊ ኩነታት ምኽንያት ንዝተወሰኑ ዓመታት ክትትል ዘይተገበረሎም መስሕብ ቦታታት ዝርከቡሉ ኩነታት ንምፅናዕ ስራሕቲ ቅድመ ምድላው ከምዝተጀመረ ሚኒስቴር ቱሪዝም ገሊፁ፡፡
እቲ ሚኒስቴር ንፋና ብሮድካስቲንግ ኮርፖሬት ከምዝገለፆ÷ ኣብ ክልል ትግራይ ዘሎ ኩነታት ሙሉእ ብሙሉእ እንትስተኻኸል ሓድጊታትን ፓርክታትን ከምኡ እውን ካልኦት መስሕባት ኣብምንታይ ኩነታት ከምዝርከቡ ብዝርዝር ንምፅናዕ ዘኽእል ምድላው ይግባር ኣሎ፡፡
ኣብዚ ሕዚ እዋን መፅናዕቲታት ንምክያድ ዘኽእሉ መሳርሒታት እናተሰናድኡ ከምዝኾኑ ሚኒስትር ዲኤታ ቱሪዝም ስለሺ ግርማ ተዛሪቦም፡፡
ውፅኢት እቲ መፅናዕቲ መሰረት ብምግባር ድማ እቲ ሚኒቴር ምስ ሓለዋ ዱር እንስሳት ኢትዮጵያን በዓል መዚ ሓለዋ ሓድጊ ኢትዮጵያን ብምዃን ግቡእ ሓገዝ ከምዝገብር ኣብሪሆም፡፡
ካብዚ ብተወሳኺ ድሕሪ ጎንፂ ኣብ ክልላት ኣምሐሳራን ዓፋርን ምስ ዘፈር ቱሪዝም ተተሓሒዞም ዘለዉ ጉዳያ ንኽፅንዑ ብዝተጀመረ ምንቅስቓስ፤ ውፅኢት እቲ መፅናዕቲ መሰረት ብምግባር ሓገዝ ምግባር ከምዝተጀመረ ገሊፆም፡፡
ሚኒስቴር ቱሪዝም ብተፀዋዕቲ ትካላቱ ኣቢሉ ንዕቤት ቱሪዝም ብዕቱብ እናሰርሐ ከምዝኾነ እቶም ሚኒስትር ዲኤታ ኣፍሊጦም፡፡
ብዮሃንስ ደርበው
እዋናዊ ሓበሬታ ንምርካብ፦
ቴሌግራም ገፅና https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube