ኣዲስ ኣበባ፣ 27 ሕዳር፣ 2017 (ኤፍ ኤም ሲ)ኣብ ከተማ ኣዲስ ኣበባ ክ/ከተማ ንፋስ ስልክ ላፍቶ ብዝተሰርሐ ሃንደበታዊ ኦፕሬሽን ካርታ ትሕዝቶ መሬት ሓዊሱ ዝተፈላለዩ ናይ ሕሶት ሰነዳት እናሰናደአ ዝነበረ ውልቀሰብ ኣብ ትሕቲ ቁፅፅር ውዒሉ፡፡
ኣብ ክ/ከተማ ንፋስ ስልክ ላፍቶ ሓዊሱ ኣብ መላእ ኣዲስ ኣበባ ከባቢ ቤት ትምህርቲ ዝህውኹ ተግባራት ኣብ ልዕሊ ዝፍፅሙ ትካላት ሕጋዊን ምምሕዳራዊ ስጉምቲን ከምዝተወሰደ ተገሊፁ፡፡
ምስዚ ተታሒዙ ኣብ ንፋስ ስልክ ላፍቶ ወረዳ ለቡ ብዝተሰርሐ ኦፕሬሽን ካርታ ትሕዝቶ መሬት ሓዊሱ ዝተፈላለዩ ናይ ሕሶት ሰነዳት ንዝተፈላለዩ እኩይ ዕላማታት እናሰደአ ዝነበረ ውልቀሰብ ብፖሊስ ኣብ ትሕቲ ቁፅፅር ከምዝወዓለ ተሓቢሩ፡፡
ተጠርጣሪ ገዝኡ እንትፍተሸ ዝተረኸቡ ሓበሬታታት ከምዘመላኽቱዎ እቲ ውልቀሰብ ኣባል እቲ ፅንፈኛ ጉጅለን ኣብ ዕጥቃዊ ቃልሲ እንተይተረፈ ተሳታፊ ከምዝነበርን ተገሊፁ፡፡
ካብ ፎርጅድ ሰነድ ብተወሳኺ ዝተፈላለዩ ድምፂ ኣልቦ ጦር መሳርሒታት ከምዝተረኸቡዎ ካብ ኮሙኒኬሽን ኣዲስ ኣበባ ዝረኸብናዮ ሓበሬታ የረድእ፡፡