ኣዲስ ኣበባ፣ 8 ጥሪ፣ 2017(ኤፍ ኤም ሲ)በዓል መዚ ትራፊክ ማኔጅመንት ከተማ ኣዲስ ኣበባ 27 መብራህቲ ትራፊክ ኣብ ዘለዉዎም ቦታታት መቐበሊ መሳርሒ ሓይሊ ፀሓይ ከምዝተኸለ ገሊፁ።
ቅድም ክብል ብሰንኪ ምቁርራፅ ኤሌክትሪክ መብራህቲታት ትራፊክ ዘይምስራሕ የጋጥሞም ከምዝነበረ ብምዝኽኻር፤ እቲ ፀገም ንምፍታሕ ምንቅስቓስ ትራፊክ ኣብ ዝበዝሖም ቦታታት ብሓይሊ ፀሓይ ዝሰርሕ ኣቕርቦት ክህሉ ከምዝተገበረ ሓቢሩ፡፡
በዚ ድማ ኣብ ኣደባባይ ጀርመን፣ ጀሞ ሚካኤል፣ ኣየር ጤና፣ 18 መዘሪ፣ 3 ቁፅሪ መዘሪ፣ ጦርሃይሎች፣ ለገሃር፣ እስጢፋኖስ፣ ቅዱስ ዮሴፍ፣ ብሄራዊ ቴኣትር፣ ፖስታ ቤት፣ ጥቁር ኣንበሳን ሰንጋተራ መቐበሊ መሳርሒ ሓይሊ ፀሓይ ተተኺሉ።
ካብዚ ብተወሳኺ ባንኮዲሮማ፣ ፓርላማ፣ ኣትላስ፣ ቦሌ ሚካኤል፣ ኣፍሪካ ሕብረት፣ ትምባሆ፣ ሾላ ገበያ፣ ሾላ ፔፕሲ፣ ሰሃሊተማርያም፣ ቦሌ ሚሊኒየምን ቦሌ ሱፐር ማርኬትን እቲ መሳርሒ ከምዝተኸተለ ኣፍሊጡ፡፡