ኣብ ከተማ ሽረ እንዳስላሰ ፕሮጀክት ህንፀት መገዲ ኣስፋልት ይሳለጥ ኣሎ

ኣዲስ ኣበባ፣ 8 ታሕሳስ፣ 2017 (ኤፍ ኤም ሲ)ኣብ ከተማ ሽረ እንዳስላሰ ዝህነፅ ዘሎ ፕሮጀክት መገዲ ኣስፋልት ይሳለጥ ከምዘሎ ተገሊፁ።

እቲ መገዲ ኣስፋልት፥ ሱር ኮንስትራክሽን ምስ ምምሕዳር እታ ከተማ ብመሰረት ዝኣሰሮ ዉዕል ዝህነፅ ዘሎ ኢዩ ተባሂሉ።

ካብ ዝሓለፈ ዓመት ጀሚሩ ኣብ ዉሽጢ እታ ከተማ ህንፀት ኣስታት 10 ኪሎ ሜትሮ ፕሮጀክት መገዲ ኣስፋልት እናካየደ ዝመፀ አንትኸውን፥ ዛጊድ  እቲ 5 ኪሎ ሜትሮ ናይ ሓመድ ስርሑ ከምዝተዛዘመ ተገሊፁ።

ካብቲ ዝተዛዘመ እቲ 1 ነጥቢ 7 ኪሎ ሜትሮ ኣስፋልት ንምንፃፍ ካብ ትማሊ ጀሚሩ ምድላው ተፃፊፉ ከምዘሎን ኣካያዲ ስራሕ ሱር ኮንስትራክሽን ኢንጅነር ዘንፉ ኣስፋው ኣብሪሆም።

እቲ ምንፃፍ ኣስፋልት ኣብ ዉሽጢ ወርሒ ታሕሳስ ከምዝዛዘም እውን ተዛሪቦም።