ኣዲስ ኣበባ ፣ 29 ሚያዝያ፣ 2013 (ኤፍ.ቢ.ሲ)ኣብ ከባቢ ተፋሰስቲ ናይል ዘሎ ኢንቨስትመንት ንምንቕቓሕ ተሓሲቡ እናተሳለጠ ዝፀንሐ 6ይ ፎረም ልምዓት ተፋሰስ ናይል ተዛዚሙ።
እቲ ፎረም ዝርገሐ ኮቪድ ስዒቡ ብመርበብ ሓበሬታ ኣቢሉ እናተኻየደ ከምዝፀንሐ ተሓቢሩ።
ኣብቲ መዕፀዊ መርሃ ግብሪ ፎረም ልምዓት መፋሰስቲ ናይል፥ ሚኒስትር ማይ መስኖን ኢነርጂን ዶክተር ኢንጂነር ስለሽ በቀለ ሓዊሱ ላዕለዎት ሓለፍቲ ስራሕ መንግስቲ ከምዝተሳተፉ ተገሊፁ።
ዶክተር ኢንጂነር ስለሽ ኣብቲ መድረኽ፥ ኢትዮጵያ ዘሰናደአቶ 6ይ ፎረም ልምዓት ተፋሰስ ናይል፤ ሓለዋ ከባቢን ዶብ ሰገር ሃፍቲ ማይ ብሓባር ምጥቃምን ምልማዕን ሓዊሱ ኣብ ለውጢ ከባቢ ኣየር ትኹረት ዝገበረ ዘተ ከምዝተገበረ ገሊፆም።
መፋስስቲ ሃገራት ናይል ኣብ ሓበራዊ ተረባሕነት ሃፍቲ ተፈጥሮ ኣብ ስምምዕ ንምብፃሕ ዘኽእል ልዝብ ከምዝተገበረ እውን እቶም ሚኒስትር ኣብሪሆም።
ብየሸዋ ማስረሻ
እዋናዊን ሓዱሽን ሓበሬታ ንምርካብ
ቴሌግራም ገፅና https://t.me/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna
https://www.youtube.com/c/fanabroadcastingcorporate/ሰብስክራይብ
ይግበሩ/ራ!