ኣብ ኣዲስ ኣበባ ዝነብሩ ሰብ ሃፍቲ ንሰራዊት ምክልኻልን ግድብ ህዳሰን ትፅቢት ዝግበረሎም ሓገዝ ከምዝገብሩ ገሊፆም

ኣዲስ ኣበባ፣ 2 ሓምለ፣ 2013 (ኤፍ ቢ ሲ)ኣብ ኣዲስ ኣበባ ዝነብሩ ሰብ ሃፍቲ ንሰራዊት ምክልኻልን ግድብ ህዳሰን ትፅቢት ዝግበረሎም ሓገዝ ከምዘበርክቱ ገሊፆም።

ምምሕዳር ከተማ ኣዲስ ኣበባ ኣብ እዋናዊ ኩነታት ኢትዮጵያ ኣድሂቡ ምስ ሰብ ሃፍቲ መድረኽ ዘተ እናካየደ ይርከብ፡፡

ኣብቲ መድረኽ ዘተ፥ ኣብ ሰራዊት ምክልኻል ፌዴሪኢ ዋና መተሓባበሪ ስራሕቲ ህንፀት ሰራዊት ሌተና ጄነራል ባጫ ደበሌ ተረኺቦም፡፡

ኣብቲ መድረኽ ዘተ ዝተረኸባ ምክትል ከንቲባ ወይዘሮ ኣዳነች ኣቤቤ፥ ሰራዊት ምክልኻል ንትግራይ ለቒቑ ዝወፅአ ፖለቲካዊ ውሳነ ከምዝኾነ ኣብሪሀን፡፡

ኣብ ትግራይ ዝተበላሸወ መሰረተ ልምዓት ንኽፅገን ህዝቢ እውን ናብ ልምዓቱ ንኽምለስ ብምሕሳብ ከምዝኾነ ኣገንዚበን፡፡

ሌተና ጄነራል ባጫ ደበሌ ብግደኦም፥ እቲ ሰራዊት ካብ ትግራይ ክወፅእ ተሓሲቡ ዝነበረ እኒ ኣይተ ስብሓት ነጋ ኣብ ዝተትሓዙሉ እዋን ከምዝነበረን ይኹን እምበር ግዚያዊ ምምሕዳር ንምሕጋዝ ይፅናሕ ተባሂሉ ከምዝኾነን ገሊፆም፡፡

ህዝቢ ብኣርባዕተ ኣንፈት ምስ ሰራዊት ንኽዋጋእ ብምግባር መንግስቲ ብገበን ምፅናት ዘርኢ ንኽኽሰስ ብምሕሳብ ወያነ ኣብ ቀረባ እዋን ዝገበሮ ምንቅስቓስ ብጥንቃቐ ብምርኣይ ህዝቢ ናብ ልቡ ንኽምለስ ዕድል ንመሃብ ተሓሲቡ ካብ ትግራይ ንምልቃቕ ከምዝተወሰነ እቶም ሌተናል ጀነራል ኣብሪሆም፡፡

እቲ ሰራዊት ንስትራቴጂ ኢሉ ካብ ትግራይ ይውፃእ እምበር ኣብ ዙሪያ እቲ ክልል ኣብ ተጠንቀቕ ከምዝርከብ ተዛሪቦም፡፡

ኣብ ኣዲስ ኣበባ ዝነብሩ ሰብ ሃፍቲ፥ ንሰራዊት ምክልኻልን ግድብ ህዳሰን ትፅቢት ዝግበረሎም ሓገዝ ከምዝገብሩ ገሊፆም፡፡

ንስድራ ዝተሰውኡ አባላት ሰራዊት ሓገዝ ንምግባር እውን ቃል ኣቲዮም።

እዋናዊ ሓበሬታ ንምርካብ፦

ቴሌግራም ገፅና https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ።