ኣብ ነቀምቴ ኣብ ውሽጢ ገዛ ብዝተፈጠረ ሓደጋ ባርዕ ሓዊ ክልተ ሰባት ህይወቶም ሓሊፉ

መልዐሊ ምኽንያት ናይቲ ሓደጋ ምቅፅፃል ኤሌክትሪክ ክኸውን ከምዝኽእል ዝገለፁ እቶም ምክትል ሓላፊ፥ ይኹን እምበር ኣብ ውሽጢ እቲ ገዛ ተቐሚጡ ዝነበረ ቤንዚን ነቲ ሓደጋ ከምዘጋደዶ ኣብሪሆም።

በቲ ዘጋጠመ ሓደጋ ሓደ ወዲ ተባዕታይን ሓንቲ ጓል ኣንስተይቲን ህይወቶም ዝሓለፈ እንትኸውን፥ ነበረቲ እቲ ከባቢ ነቲ ባርዕ ሓዊ ንምጥፋእ ብዝገበሩዎ ርብርብ ህይወት ክልተ ሰባት ምትራፍ ከምዝተኽኣለ ገሊፆም።

እቶም ብሕይወት ዝተረፉ ሰባት ከቢድ ሓደጋ በፂሑዎም ኣብ ሆስፒታል ነቀምቴ ሕክምና እናተገበረሎም ከምዝኾነ እውን ኣፍሊጦም።

ሕብረተሰብ፥ ከም ቤንዚን ዝበሉ ተቐፃፀልቲ ነገራት ኣብ መንበሪ ኣባይቲ ካብ ምቕማጥ ክቑጠብን ግቡእ ጥንቃቐ ክገብርን ከምዝግባእ ኢንስፔክተር ማርቆስ ኣተሓሳሲቦም።