ኣብ ትግራይ ወፍሪ ክትባት መከላኸሊ ካንሰር ኣፍ ደገ ማህፀን ሎሚ መዓልቲ ጀሚሩ

ኣዲስ ኣበባ፣ 9 ሕዳር፣ 2017 (ኤፍ ቢ ሲ) ኣብ ክልል ትግራይ ዕድመአን ካብ 9 ክሳብ 14 ንዝኾና ኣዋልድ ወፍሪ ክትባት መከላኸሊ ሕማም መንሽሮ (ካንሰር) ኣፍ ደገ ማህፀን ይወሃብ ኣሎ።

እቲ ክታበት፥ ካብ ሎሚ 9 ክሳብ 13 ሕዳር 2017 ዓ.ም ንተኸታተልቲ 5 መዓልታት ከምዝወሃብ ቢሮ ጥዕና ግዚያዊ ምምሕዳር ክክል ትግራይ ኣፍሊጡ።

ምክትል ሓላፊ ቢሮ ጥዕና ትግራይ ዶክተር ሪአ ኢሳያስ፥ ሚኒስቴር ጥዕና ፣ ቢሮ ጥዕና ክልል ትግራይ፣ ቢሮ ትምህርቲ፣ ዩኒሴፍን ካልኦትን ብሓባር ብምዃን ኣብ ዝተፈላለየ ወረዳታት እቲ ክልል ወፍሪ መከላኸሊ ክታበት መንሽሮ ኣፍ ደገ ማህፀን ይካየድ ኣሎ።

ሕማም መንሽሮ ኣፍ ደገ ማህፀን ካብ ሕማም መንሽሮ ጡብ ቀፂሉ ንደቂ ኣንስትዩ ምኽንያት ሕማምን ሞትን ከምዝኾነ ተገሊፁ።

ብወፍሪ ኣብ ኣብያተ ትምህርቲ ዝወሃብ ዘሎ እንትኸውን፥ ካብ መኣዲ ትምህርቲ ወፃኢ ዘለዋ ድማ ኣብ ትካላት ጥዕናን ግዚያዊ ክታበት ዝወሃበሉ ናቑጣታትን ክወሃብ እዩ ተባሂሉ።