ኣዲስ ኣበባ፣ 28 ሓምለ፣ 2015 (ኤፍ ቢ ሲ)ሃገራዊ ፈተና 12 ክፍሊ ከምዝተዛዘመ ሚኒስቴር ትምህርቲ ኣፍሊጡ።
ሚኒስትር ትምህርቲ ብርሃኑ ነጋ (ፕ/ር)፥ እቲ ፈተና ካብ ምቕዳሕን ስርቅን ብዝፀረየ መመገዲ ከምዝተውሃበ ተዛሪቦም።
ኣብ እዋን ፈተና ዝተኸልከሉ ናውቲታት ናብ መፈተኒ ቦታ ሒዝካ ምእታው፣ ብጉጅለ ምብኣስ፣ ወረቐት ፈተና ከይመለሱ ንምውፃእ ምፍታን ዝብሉን ካልኦትን ፀገማት ከምዘጋጠሙ እውን ገሊፆም።
ኣብ ከይዲ ፈተና ህይወት ክልተ ኣባላት ፖሊስ ፌዴራልን ሓደ ፈታኒን ምሕላፉ ብምግላፅ÷ ኣብ እዋን ጉዕዞ ብሓደጋ ተሽከርካሪ 13 ተምሃሮ ጉድኣት ከምዘጋጠሞምን ሓቢሮም።
ብኻሊእ መዳይ ኣብ ክልል ትግራይ ኣብ 2012 ዓ.ም ፈተና 12 ክፍሊ ንዘይወሰዱ ተምሃሮ ኣብ ቀፃሊ ወርሒ መስከረም እቲ ፈተና ክወስዱ ከምዝግበር ተዛሪቦም።
ኣብዚ ሐዚ እዋን መጠናኸሪን መከሓሓሲን ትምህርቲ ይወሃብ ከምዘሎ ገሊፆም።
ብታሪኩ ለገሰ
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com