ኣዲስ ኣበባ፣ 28 መስከረም፣ 2016 (ኤፍ ቢ ሲ)”መንግስቲ ኩለመዳይ ምዕባለ ሃገርና ንምርግጋፅ ቅድሚ ሰለስተ ዓመት ትልሚ ልምዓት 10 ዓመታት ኣሰናዲኡ ብዙሓት ተግባራት እናወገነ ይርከብ” ክብላ ፕሬዚዳንት ሳህለወርቅ ዘውዴ ገሊፀን፡፡
6ይ ዙር 3ይ ዓመት ዘበን ስራሕ ሓበራዊ ኣኼባ ባይቶ ወከልቲ ህዝቢን ቤት ምኽሪ ፌዴሬሽንን ይካየድ ኣሎ።
ፕሬዚዳንት ሳህለወርቅ ዘውዴ ኣብቲ መኽፈቲ ስነ-ስርዓት ዝገበረኦ መደረ÷ ”መንግስቲ ኩለመዳይ ምዕባለ ሃገርና ንምርግጋፅ ቅድሚ ሰለስተ ዓመት ትልሚ ልምዓት 10 ዓመታት ኣሰናዲኡ ናብ ተግባር ኣትዩ ኢዩ” ኢለን፡፡
ኣብ ቀዳሞት ሰለስተ ዓመታት እቲ ትልሚ (ካብ 2013 ክሳብ 2015 ዓ.ም) ብኹሉ ዘፈር ኣመልከትቲ ዕቤታት ተስፋ ዝህቡ ውፅኢታት ከምዝተረኸቡ ኣብሪሀን፡፡
ዝሓለፈ ሓደ ዓመት ኣፈፃፅማ ጥራሕ እንትረአ ብሓፈሻ ፅቡቕ ውፅኢት ከምዝተመዝገበ ገሊፀን፡፡
“ኣብ በፈታኒን ኣብ ውሽጢ ዝተፈላለዩ ማሕለኻታትን እናሓለፍና ይኹን እምበር ዝተረኸበ ዓወት ጠንኪርና ምውፃእና ዘርኢ ኢዩ” ኢለን እተን ፕሬዚዳንት ኣብ መደረአን፡፡
“ተጊህና እንተሰሪሕና ድማ ካብዚ ዝሐሸ ውፅኢት ክነምፅእ ከምንኽእል ተምሂርናሉ ኢና” እውን ኢለን፡፡
ብዮሃንስ ደርበው
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com