ኣዲስ ኣበባ ፣ 12 ሓምለ፣ 2013 (ኤፍ ቢ ሲ)ኣብ ክልል ኣምሓራ ዞባ ማእኸል ጎንደር ወረዳ ደንቢያ 13 ሰባት ኣሳፊራ ኣብ ቀላይ ጣና ዝተሰወረት ጃልባ ተሳፊሮም ናይ ዝነበሩ ሸውዓተ ሰባት ኣስክሬን ተረኺቡ።
ምኽትል ሓላፊ ቤት ጽሕፈት ፖሊስ እታ ወረዳ ኮማንደር ቸርነት ኣስማረ፥ እታ ጃልባ ሓደጋ ከም ዘጋጠማን፤ በዚ ሓደጋ ህይወቶም ዝጠፍአ ሰባት ድሕሪ ንክልተ መዓልታት ዝተገብረ ኣለሻ ከም ዝተረኽበን ገሊፆም።
እቲ ኣስክሬን ሎሚ ንጉሆ ኣብ ሞንጎ ጎርጎራን ኣዲስ ድንጌን ዝተባህለ ጣብያን ዝርከብ ቀላይ ብማዕበል ተደፊኡ ተንሳፊፉ ከም ዝተረኽበ ሓቢሮም።
ናይቶም ዝተረፉ ሽዱሽተ ሰባት ኣስክሬን ንምርካብ ዝግበር ፃዕሪ ከም ዝቐፀለ እቶም ኮማንደር ተዛሪቦም።
ምኽንያት እቲ ሓደጋ ዘፃሪ ሓይሊ ዕማም ተጣይሹ መርመራ ከም ዝተጀመረ’ውን ተገሊፁ ክብል ግዜኢ ፀብፂቡ።
እዛ ንኡሽቶ ጃልባ ለይቲ 9 ሓምለ 2013 ጉዕዞ ከም ዝጀመረትን ኣዲሰጌ ድንጌ ተባሂሉ ኣብ ዝፅዋዕ ጣብያ ኣባን ናብ ጎርጎራ እናተጉዓዘት እንከላ’ያ ምስዋራን ይዝከር።
እዋናዊ ሓበሬታ ንምርካብ፦
ቴሌግራም ገፅና https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna
https://www.youtube.com/…/%E1%88%B0%E1%89%A5%E1%88%B5… ይግበሩ/ራ!
ሓዱሽ መተግበሪ ፋና ብሮድካስቲንግ ኮርፖሬት
https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።