ኣብ ሻምፒየንስ ሊግ ጁቬንቱስ ምስ ማንቼስተር ሲቲ ዝገብረኦ ፀወታ ትፅቢት ይግበረሉ

ኣዲስ ኣበባ፣ 2 ታሕሳስ፣ 2017 (ኤፍ ኤም ሲ)ሻድሻይ ዙር ካልኣይ መዓልቲ  ፀወታታት ሻምፒየንስ ሊግ ኣውሮፓ ሎሚ መዓልቲ እንትቕፅሉ፤ ጁቬንቱስ ምስ ማንቼስተር ሲቲ ከምኡ እውን ቦሩሺያ ዶርቱመንድ ምስ ባርሴሎና ዝገብረኦ ንሕንሕ ትፅቢት ይግበረሎም፡፡

ምሸት ሰዓት 2፡45 ጋንታ ኣትሌቲኮ ማድሪድ ምስ ስሎቫን ብራቲስላቫ ከምኡ እውን ሊል ምስ ስትሩም ግራዝ ክራኸባ ኢየን፡፡

ሰዓት 5፡00 ድማ ኣብ ቱሪን ስታዲየም ኣሊያንዝ ጁቬንቱስ ምስ ማንቼስትር ሲቲ ከምኡ እውን ኣብ ሲግናል ኢዱና ፓርክ ቦሩሺያ ዶርቱመንድ ምስ ባርሴሎና ዝገብረኦም ፀወታታት ናይዚ ዕለት ትፅቢት ዝግበረሎም ፀወታታት ኢዮም፡፡

ኣርሰናል ምስ ሞናኮ፣ ኤሲሚላን ምስ ሬድስታር ቤልግሬድ፣ ቤኔፊካ ምስ ቦሎኛ፣ ፌይኑርድ ምስ ስፓርታ ፕራግ ከምኡ እውን ስቱትጋርት ምስ ያንግ ቦይስ ኣብ ተመሳሳሊ ሰዓት ዝካየዱ ፀወታታት ኢዮም፡፡

ትማሊ ኣብ ዝነበረ ፀወታ ምዕዋት ብሕታዊ ኣማራፂኣ ብምግባር ናብ ሜዳ ዝኣተወት ጋንታ ሪያል ማድሪድ ንኣተላንታ 3 ን 2 ብምስዓር ተዓዊታ፡፡

ሊቨርፑል ንዢሮና 1 ን 0፣ ባየርሊቨርኩስን ንኢንተርሚላን 1 ን 0፣ ብረስት ንፒኤስቪ 1 ን 0፣ ክለብ ብሩጅ ንስፖርቲንግ ሊዝበን 2 ን 1፣ ኣስቶንቪላ ንኣርቢ ሌብዢግ 3 ን 2፣ ፒኤስጂ ንሬድ ቡል ሳልዝበርግ 3 ን 0፣ ባየርንሙኒክ ንሻክታር ዶኔስክ 5 ን 1 እንትስዕራ÷ ዳይናሞ ዛግሬብን ሴልቲክን ባዶ ንባዶ ተፈላሊየን፡፡