ኣብ ስራሕቲ ለውጢ ምምሕያሽ ትካላት ዴሞክራሲ ዝጠመተ መድረኽ ዘተ ይካየድ ኣሎ

ኣዲስ ኣበባ፣ 4 ሓምለ፣ 2014 (ኤፍ ቢ ሲ)ባይቶ ወከልቲ ህዝቢ ዘሰናድኦ ኣብ ስራሕቲ ለውጢ ምምሕያሽ ኮሚሽን ሰብኣዊ መሰላት ኢትዮጵያ፣ ትካል ሓባሲ ንብዓት፣ ፌዴራል ኦዲተርን መራኸብቲ ሓፋሽን ዘድሃበ መድረኽ ዘተ ይሳለጥ ኣሎ።

ኣብቲ መድረኽ ዝተረኸቡ ኣፈ ጉባኤ ባይቶ ወከልቲ ህዝቢ ኣይተ ታገሰ ጫፎ፥ ትካላት ዴሞክራሲ እቲ ባይቶ ብሕገ-መንግስቲ ዝተውሃቦ ስልጣን ንምፍፃም ዘኽእሉ ጨንፈራት ኢየን ኢሎም።

እተን ትካላት ሰብኣዊ መሰል ንምርግጋፅ፣ ምምሕዳራዊ በደላት ንምፍታሕ፣ ምሕደራ ሃፍቲ ብግቡእ ንምጥቃምን ዴሞክራሲያዊ ስርዓት ንምህናፅን ከምኡ እውን ድምፂ ህዝቢ ንምስማዕ እተን ትካላት ወሰንቲ ከምዝኾና ኣብሪሆም።

ትካላትዴሞክራሲ ኣብታ ሃገር ንዝተሳለጡ ስራሕቲ ለውጢ ልዑል ዓቕሚ ፈጢረን ኢየን ዝበሉ እቶም ኣፈ ጉባኤ፥ ሰላም ብዘላቕነት ንምዕሳልን ልምዓት ንምርግጋፅን እተን ትካላት ንባዕለን ብሓይሊ ሰብን ኣብ ለውጢ ኣወዳድባ ብሰፊሑ ክሃንፃ ከምዝግባእ ኣገንዚቦም።

ኣብቲ መድረኽ ዘተ፥ ኣከብቲ ቀወምቲ ኮሚቴ፣ ሓለፍቲ ስራሕ ኮሚሽን ሰብኣዊ መሰል ኢትዮጵያ፣ ትካል ሓባሲ ንብዓት ህዝቢ፣ ፌዴራል ኦዲተር፣ መራኸብቲ ሓፋሽን ዝተፈላለዩ ትካላትን ተረኺቦም ክብል ግዜኢ ፀብጺቡ።

እዋናዊ ሓበሬታ ንምርካብ፦

ቴሌግራም https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna https://www.youtube.com