ኣብ ሰሜን ኢትዮጵያ ንዝተፈጠረ ፀገም ሰላማዊ ኣማራፅታት ንክረኣዩ ፓርቲ ብልፅግና ውሳነ ኣመሓላሊፉ

ኣዲስ ኣበባ፣ 20 ሰነ፣ 2014 (ኤፍ ቢ ሲ)ኣብ ሰሜን ኢትዮጵያ ንዝተፈጠረ ፀገም ሰላማዊ ኣማራፅታት ንክረኣዩ ፓርቲ ብልፅግና ውሳነ ኣመሓላሊፉ።

ሚኒስትር ፍትሒን ኣባል ማእኸላይ ኮሚቴን ዶክተር ጌዲዮን ጢሞቲዎስ ኣብ ዝሃብዎ መግለፂ፥ እቲ ኲናት መንግስቲ ኢትዮጵያ ተገዲዱ ዝኣተዎ ኢዩ ኢሎም።

ስለዝኾነ ብኲናት ዝበፅሐ ጉድኣት ንምቕናስ፣ ሙሉእ ትኹረት ኣብ ልምዓት ንክኸውን ንምግባር፣ ፖለቲካዊ ኩነታት ንምምሕያሽ፣ ንዕውትነት ሃገራዊ ዘተን ውፅኢታዊ ስራሕቲ ምትካል እግሪን ንክህሉ ብምሕሳብ እቲ ማእኸላይ ኮሚቴ ኣማራፅታት ሰላም ንክረኣዩ ውሳነ ተዋሂቡ።

እቶም ኣማራፅታት ሰላም ወይ ዝርርብ እንትግበር፥ ሕገ መንግስታዊነት ዘኽበረ፣ መሰረታዊ ረብሓ ሃገር ብዘሕሉ መገዲ ክኸውን ከምዝግባእ ተገሊፁ።

እቲ ዘተ ብመሪሕነትን ኣተሓባባርነትን ሕብረት ኣፍሪካን  ክኸውን ከምዝግባእ ውሳነ ምትሕልላፉ እውን ገሊፆም።

ንሰላን ቅድሚያ ተዋሂቡ እንትስራሕ፥ ዝኾነ ይኹን ትንኮሳ እንተጋጢሙ ዓፀፋዊ ምላሽ ዝህባ ትካላት ድልውነተን ንክጠናኸር ውሳነ ከምዝተውሃበ እውን ተዛሪቦም።

ነዚ ድማ ትካላት ፀፅታን ድሕንነትን ብሙሉእነት ብተጠንቀቕ ንክስለፋ ውሳነ ምትሕልላፉ ዶክተር ጌዲዮን ጢሞቲዎስ ገሊፆም።

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።