ኣብ ሞቃዲሾ ብዘጋጠመ መጥቃዕቲ ቡንባ ሀይወት ሰለስተ ሰባት ሓሊፉ

እቲ ኣብ ወሰን መገዲ ሞቃዲሾ ዘጋጠመ ምፍንጃር ቡንባ ኣብ መኪና ኣባላት ደሕንነት ዘነፃፀረ ከምዝነበረ ዝተገለፀ እንትኸውን፥ በቲ መጥቃዕቲ ክልተ ኣባላት ፀፅታን ሓደ መገደኛን ሀይወቶም ከምዝሓለፈ ተገሊፁ።

ብተወሳኺ ኣብ ልዕሊ ካልኦት ሰለስተ ሰባት ጉድኣት ከምዝበፅሐን ነሕክምና ናብ ሆስፒታል ከምዝተወሰዱን ተሓቢሩ።

በዓል መዚ ድሕንነት ሞቃዲሾ ዓሊ ኣሕመድ፥ ኣካላት ፀፅታ ኣብቲ ከባቢ ብምርካብ ብዛዕባ እቲ ዘጋጠመ መፍንጃር ቡንባ ኣድላዪ መርመራ ይገብሩ ከምዘለዉ ገሊፆም።

ኣልሻባብ ብዛዕባ እቲ ዘጋጠመ መጥቃዕቲ ሓላፍነት ከምዝወሰደ ኣናዶሉ ፀብፂቡ።